హైదరాబాద్, జూన్ 23 : పవర్స్టార్ పవన్ కళ్యాణ్ మాజీ భార్య రేణూ దేశాయ్ నిశ్చితార్థం జరిగింది. ఇందుకు సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. తాజాగా ఎంగేజ్మెంట్ జరిగిన విషయాన్ని ఇన్స్టాగ్రామ్ పోస్ట్లో తెలిపారు. ఈ సందర్భంగా ఆమె ఉంగరాలు మార్చుకున్న ఫొటోను పంచుకున్నారు. ఈ ఫోటోలో తన జీవిత భాగస్వామి చేతిపై చెయ్యేసి ఉండగా నిశ్చితార్థపు ఉంగరాలు కనిపిస్తున్నాయి.
ఈ మేరకు రేణూ.. తనకు కాబోయే భర్తకు ధన్యవాదాలు చెబుతూ.. 'బాధ నుంచి కోలుకునేందుకు నాకు సహాయంగా నిలిచినందుకు నీ నిజాయితీ మనసుకు ధన్యవాదాలు' అని రాశారు. అయితే ఆ వ్యక్తి ఎవరో మాత్రం రేణు చెప్పలేదు. కనీసం అతడి పేరు కూడా వెల్లడించలేదు. అయితే రేణూ తీసుకున్న నిర్ణయాన్ని కొంతమంది పవన్కల్యాణ్ అభిమానులు తప్పుపట్టగా, మరికొందరు ప్రోత్సహించారు. తనకు మద్దతు తెలిపిన అందరికీ సోషల్ మీడియా వేదికగా ధన్యవాదాలు తెలిపారు.