విరాట్ ని ట్రోల్ చేస్తున్న ఆసిస్ నెటిజన్లు

Written by : smtv Desk | Sat, Dec 22, 2018, 08:55 PM

న్యూఢిల్లీ , డిసెంబర్ 22: భారత్ ఆసిస్ మధ్య జరిగిన రెండో టెస్టులో భారత్ పరాజయ పాలవడం వల్ల అనేక విమర్శలు తలెత్తుతున్నాయి. ఇక పెర్త్ టెస్ట్‌లో టీమిండియా సారథి విరాట్ కోహ్లీ, ఆసీస్ కెప్టెన్ టీమ్ పైన్ మాటల యుద్ధంపై ఆస్ట్రేలియా మీడియాతో పాటు ఆ జట్టు మాజీ ఆటగాళ్లు కోహ్లీ తీరును తప్పుబడుతూ పలు రకాలుగా విమర్శిస్తున్నారు. ముఖ్యంగా ఆసీస్ మాత్రం కోహ్లీ అంటే అంతెత్తున్న ఎగిరిపడుతోంది. ఆస్ట్రేలియాలోని ప్రధాన దినపత్రికలు, ఛానెళ్లు, వెబ్‌సైట్లలో కోహ్లీ, టీమిండియాలకు వ్యతిరేకంగా కథనాలు ప్రచురితమవుతున్నాయి. తాజాగా ఆ దేశానికి చెందిన జర్నలిస్ట్ డెన్నిస్ టరీన్... విరాట్ కోహ్లీపై అభ్యంతరకర రీతిలో ట్వీట్ చేశారు.

Here's Virat showing everyone how to behave when things don't go your way on the field pic.twitter.com/w596J02n2V
— Dennis Tareen (@DennisCricket_) December 20, 2018

‘‘ మైదానంలో మనకు అనుకూలంగా ఏదీ జరగనప్పుడు ఎలా ప్రవర్తించాలో కోహ్లీ మనకు చూపిస్తున్నాడంటూ క్యాప్షన్ పెట్టి ఓ వీడియో పోస్ట్ చేశాడు. దీంతో విరాట్ అభిమానులతో పాటు నెటిజన్లు డెన్నీస్‌పై మండిపడుతున్నారు. కోహ్లీ ఎప్పుడైనా బ్యాటు నేలకేసి కొట్టడం, కుర్చీలను తన్నడం మీరు చూశారా అంటూ డెన్నిస్‌ను ఉద్దేశిస్తూ కామెంట్లు పెడుతున్నారు.

Kohli and Ishant are currently at Chadstone for those that are interested.

Kohli just told a casual staff member at Kmart that she's just a stand in staff member and that he's the best player in the world.
— Dennis Tareen (@DennisCricket_) December 21, 2018