హైదరాబాద్, జూలై 31 : ప్రస్తుతం నితిన్ చేస్తున్న చిత్రం 'లై'. హను రాఘవ పూడి దర్శకత్వం వహిస్తున్న ఈ సినిమాను 14 రీల్స్ పతాకం పై రామ్ ఆచంట, గోపి ఆచంట, అనిల్ సుంకర్ లు కలిసి నిర్మిస్తున్నారు. ఇందులో ప్రత్యేక పాత్రలో అర్జున్, కథానాయికగా మేఘ ఆకాశ్ నటిస్తున్నారు.
ఈ చిత్ర నిర్మాతలు మాట్లాడుతూ... ''లవ్ అండ్ యాక్షన్ ఎంటర్ టైనర్ గా తెరకెక్కుతున్న ఈ సినిమాను ఆగస్టు 11 న విడుదల చేస్తున్నాం. నితిన్, అర్జున్ మధ్య సాగే సన్నివేశాలు ప్రేక్షకులను అలరిస్తాయి. ఇప్పటి వరకు విడుదల చేసిన టీజర్, రెండు పాటలను ఆదరించిన ప్రేక్షకులకు ధన్యవాదాలు. చిత్ర ట్రైలర్ ను ఆగస్టు మొదటి వారంలో విడుదల చేస్తున్నాం '' అని వెల్లడించారు.