ఆస్ట్రేలియా, ఫిబ్రవరి 18: మెల్బోర్న్ రెనిగేడ్స్ ఆస్ట్రేలియా జట్ల మధ్య జరిగిన మ్యాచ్ లో ఆసిస్ ఓపెనర్ అరోన్ ఫించ్ కాస్త భిన్నంగా ప్రవర్తించాడు. ఐపీఎల్ తరహాలో ఆస్ట్రేలియా గడ్డపై జరిగిన బిగ్బాస్ లీగ్ ఫైనల్లో రనౌటైన అరోన్ ఫించ్.. పెవిలియన్కి వెళ్తూ మధ్యలో దారి పక్కన ఉన్న కుర్చీని బ్యాట్తో విరగొట్టేశాడు. మెల్బోర్న్ రెనిగేడ్స్ తరఫున లీగ్లో ఆడిన అరోన్ ఫించ్ ఇన్నింగ్స్ ఆరో ఓవర్లో రనౌటయ్యాడు. సహచరుడు కామెరూన్ స్ట్రైట్ డ్రైవ్ ఆడగా మెల్బోర్న్ స్టార్స్ జట్టు బౌలర్ జాక్సన్ బంతిని పాదంతో ఆపే ప్రయత్నం చేశాడు.
ఆ బంతి అతని పాదాన్ని తాకుతూ నేరుగా వెళ్లి నాన్స్ట్రైక్ ఎండ్లోని వికెట్లను తాకింది. దీంతో పరుగు కోసం క్రీజు వెలుపలికి వెళ్లిన అరోన్ ఫించ్ రనౌటయ్యాడు. అప్పనంగా వికెట్ చేజార్చుకోవడంతో అసహనానికి గురైన ఫించ్ తిట్టుకుంటూ మైదానాన్ని వీడాడు. ఈ మ్యాచ్లో గెలిచిన మెల్బోర్న్ రెనిగేడ్స్ జట్టు 13 పరుగుల తేడాతో గెలుపొందింది. భారత్తో ఈనెల 24 నుంచి ఆస్ట్రేలియా జట్టు రెండు టీ20లు, ఐదు వన్డేల సుదీర్ఘ సిరీస్ ఆడేందుకు భారత్కి వస్తోంది.