లెనొవొ జెడ్6 ప్రో రిలీజ్

Written by : smtv Desk | Thu, Apr 25, 2019, 04:14 PM

ప్రముఖ ఎలక్ట్రానిక్స్ తయారీ సంస్థ లెనొవొ తాజాగా లెనొవొ జెడ్6 ప్రో పేరుతో మరో స్మార్ట్‌ఫోన్‌ను లాంచ్ చేసింది. చైనాలో జరిగిన ఒక కార్యక్రమంలో కంపెనీ ఈ ఫోన్‌ను ఆవిష్కరించింది. Lenovo Z6 Pro ఫోన్‌లో వాటర్‌డ్రాప్ డిస్‌ప్లే, గొరిల్లా గ్లాస్ ప్రొటెక్షన్, వెనుక భాగంలో 3డీ కర్వ్‌డ్ గ్లాస్, ఏఐ క్వాడ్ కెమెరా వ్యవస్థ, ఇన్‌డిస్‌ప్లే ఫింగర్ ఫ్రింట్ సెన్సర్, లిక్విడ్ కూలింగ్ సిస్టమ్, స్నాప్‌డ్రాగన్ 855 ప్రాసెసర్ వంటి ఫీచర్లను ఈ ఫోన్ లో అందిస్తున్నారు. ఈ కొత్త ఫోన్‌ ధర రూ.30,000 నుంచి ప్రారంభమౌతోంది. ఇది 6 జీబీ + 128 జీబీ మెమరీ వేరియంట్‌కు వర్తిస్తుంది. 8 జీబీ ర్యామ్+ 128 జీబీ మెమరీ వేరియంట్ ధర రూ.31,000గా, 8 జీబీ ర్యామ్ +256 జీబీ మెమరీ ధర రూ.39,00గా, 12 జీబీ ర్యామ్+ 512 జీబీ మెమరీ వేరియంట్ ధర రూ.51,000గా ఉంది. ఇవే కాకుండా కంపెనీ ఇందులోనే 5జీ వేరియంట్‌ను కూడా త్వరలో అందుబాటులోకి తీసుకురానుంది. ఫోన్ విక్రయాలు ఏప్రిల్ 29 ప్రారంభమౌతాయి. ఫోన్ ఫోటోగ్రఫీ విషయానికి వస్తే.. Lenovo Z6 Pro ఫోన్‌లో వెనుక భాగంలో 4 కెమెరాలు (48 ఎంపీ+16 ఎంపీ+8 ఎంపీ+2 ఎంపీ) ఉంటాయి. ఇక ముందు భాగంలో 32 ఎంపీ సెల్ఫీ కెమెరా ఉంటుంది. ఫోన్‌లో అలాగే 4,000 ఎంఏహెచ్ బ్యాటరీ, ఫాస్ట్ చార్జింగ్, ఆండ్రాయిడ్ 9 పై ఆపరేటింగ్ సిస్టమ్, 6.39 అంగుళాల ఆమ్‌లెడ్ డిస్‌ప్లే, ఫేస్ అన్‌లాక్ వంటి ఫీచర్లు కూడా ఉన్నాయి.