చెట్లపై, బిల్డింగ్లపై తేనెపట్టులను చూస్తూనే ఉంటాం. వాటి వల్ల ఎటువంటి హాని లేదని తెలిస్తే తేనెపట్టుల జోలికి ఎవరూ పోరు. స్పెయిన్లోని ఆండలూసియాకు చెందిన ఓ జంట మాత్రం తమ బెడ్రూం గోడపై రెండేళ్లుగా ఉన్న తేనెపట్టు నుంచి తేనెటీగల శబ్దం వస్తున్నా వాటి జోలికి పోలేదు. కొద్ది రోజులుగా ఆ శబ్దం మరింత ఎక్కువైపోవడంతో తేనెపట్టు పట్టే వాడిని పిలిచి సాయం కోరారు.
బెడ్రూం గోడపై ఉన్న తేనెపట్టును చూసి ఆ వ్యక్తి షాక్ అయ్యాడు. ఆ తేనెపట్టులో దాదాపు 80 వేల తేనెటీగలు ఉన్నాయని, రెండేళ్ల నుంచి అన్ని వేల తేనెటీగల శబ్దాలతో బెడ్రూంలో అసలు ఎలా నిద్రపోతున్నారో అర్థం కావడం లేదని ఆశ్చర్యం వ్యక్తం చేశాడు. తాను ఇంత పెద్ద తేనెపట్టును మొదటిసారి చూస్తున్నానని చెప్పాడు.