మార్కెట్లోకి ఒకేసారి 3 ఫోన్లు లాంచ్ చేసిన హానర్

Written by : smtv Desk | Wed, May 22, 2019, 01:52 PM

ప్రముఖ హువావే కంపనీ సబ్ బ్రాండ్ హానర్ మరో మూడు సరికొత్త స్మార్ట్‌ఫోన్స్‌ను గ్లోబల్ మార్కెట్‌లో లాంచ్ చేసింది. మంగళవారం రాత్రి లండన్‌లో జరిగిన ఒక కార్యక్రమంలో కంపెనీ హానర్ 20 సిరీస్ కింద ఈ ఫోన్లను ఆవిష్కరించింది. హానర్ 20, హానర్ 20 ప్రో, హానర్ 20 లైట్ అనేవి వీటి పేర్లు. ఈ ఫోన్లలో 4 కెమెరాలు ప్రత్యేక ఆకర్షణగా నిలిచాయి. 1.హానర్ 20 ప్రో : ఈ స్మార్ట్‌ఫోన్‌లో శక్తివంతమైన హిసిలికాన్ కిరిన్ 980 ప్రాసెసర్ ఉంటుంది. దీనితోపాటు 8 జీబీ ర్యామ్, 256 జీబీ మెమరీ, కూలింగ్ టెక్నాలజీ, 6.26 అంగుళాల స్క్రీన్, 3డీ కర్వ్‌డ్ గ్లాస్ డిస్‌ప్లే వంటి ప్రత్యేకతలున్నాయి. అలాగే నాలుగు (క్వాడ్) రియర్ కెమెరాలు (48 ఎంపీ+16 ఎంపీ+8 ఎంపీ+2 ఎంపీ), 30ఎక్స్ డిజిటల్ జూమ్, 32 ఎంపీ ఇన్‌డిస్‌ప్లే ఫ్రంట్ కెమెరా, 4000 ఎంఏహెచ్ బ్యాటరీ వంటి ఫీచర్లున్నాయి. ధర దాదాపు రూ.46,000. 2.హానర్ 20 : హానర్ 20 స్మార్ట్‌ఫోన్‌లో కిరిన్ 980 ప్రాసెసర్, 6 జీబీ ర్యామ్, 128 జీబీ మెమరీ, క్వాడ్ కెమెరాలు (48 ఎంపీ+16 ఎంపీ+2 ఎంపీ+2 ఎంపీ), 3750 ఎంఏహెచ్ బ్యాటరీ, 6.26 అంగుళాల స్క్రీన్, 32 ఎంపీ ఇన్ డిస్‌ప్లే ఫ్రంట్ కెమెరా వంటి ఫీచర్లున్నాయి. దీని ధర దాదాపు రూ.39,000. 3.హానర్ 20 లైట్ :హానర్ 20 లైట్ స్మార్ట్‌ఫోన్‌లో కిరిన్ 710 ప్రాసెసర్, 4 జీబీ ర్యామ్, 128 జీబీ మెమరీ, 6.21 అంగుళాల స్క్రీన్, 32 ఎంపీ సెల్ఫీ కెమెరా, ట్రిపుల్ రియర్ కెమెరా (23 ఎంపీ+8 ఎంపీ+2 ఎంపీ), 3400 ఎంఏహెచ్ బ్యాటరీ వంటి ఫీచర్లున్నాయి. దీని ధర దాదాపు రూ.23,000. కంపెనీ ఈ ఫోన్లను త్వరలోనే ఇండియా మార్కెట్‌లోకి తీసుకురావొచ్చు. వన్‌ప్లస్ 7, 7 ప్రో ఫోన్లకు ఇవి గట్టి పోటీ ఇవ్వొచ్చు.