అమెజాన్ పార్ట్ టైమ్ జాబ్!

     Written by : smtv Desk | Fri, Jun 14, 2019, 12:47 PM

అమెజాన్ పార్ట్ టైమ్ జాబ్!

నిరుద్యోగులకు ఈ కామర్స్ దిగ్గజం అమెజాన్ ఓ శుభవార్త అందించింది. అమెజాన్ ఇండియా తాజాగా అమెజాన్ ఫ్లెక్స్ అనే కార్యక్రమాన్ని ఆవిష్కరించింది. ఇందులో భాగంగా పార్ట్ టైమ్ జాబ్ చేస్తూ గంటకు రూ.120 నుంచి రూ.140 వరకు సంపాదించొచ్చు. అమెజాన్ ఫ్లెక్స్‌లో కాలేజ్ విద్యార్థులు, ఫుడ్ డెలివరీ ఎగ్జిక్యూటివ్స్, సర్వీస్ సెక్టార్ స్టాఫ్, సెక్యూరిటీ గార్డ్ వంటి వారు ప్రొడక్టులను డెలివరీ చేసి డబ్బు సంపాదించొచ్చు. అమెజాన్ గ్లోబల్‌గా 2015లోనే ఈ సేవలను ప్రారంభించింది. ఇప్పటికే ఆరు దేశాల్లో ఈ రకమైన సేవలను అందిస్తోంది. తాజాగా ఇప్పుడు భారత్‌లోనూ ఈ సర్వీసులను లాంచ్ చేసింది. దీంతో కంపెనీ డెలివరీ నెట్‌వర్క్ మరింత పటిష్టంగా తయారయ్యే అవకాశముంది. కంపెనీ తొలిగా ఢిల్లీ, ముంబై, బెంగళూరులో అమెజాన్ ఫ్లెక్స్ సేవలు ప్రారంభించింది. తర్వాత క్రమంగా ఇతర నగరాలకు కూడా ఈ సేవలను విస్తరించనుంది. మీరు కూడా పార్ట్ టైమ్ జాబ్ చేయాలనుకుంటే అమెజాన్ ఫ్లెక్స్ యాప్‌ను డౌన్‌లోడ్ చేసుకొని రిజిస్టర్ చేసుకోండి. డెలివరీ డబ్బులను వారం వారం కంపెనీ డైరెక్ట్‌గా బ్యాంక్ అకౌంట్‌లో వేసేస్తుంది.





Untitled Document
Advertisements