మగవారు వీటికి కాస్త దూరంగా ఉంటే మంచిది!

పురుషులు తమ చర్మ సౌందర్యం గురించి పెద్దగా పట్టించుకోరు. కాని ఎప్పుడైతే మొటిమలు, గుంతలు రావడం మొదలవుతుందో అప్పటి నుంచి తెగ ఆందోళన పడిపోతారు. తమ చర్మానికి పూర్వ రూపం వచ్చేందుకు మార్కెట్లో వచ్చే రకరకాల ప్రొడెక్టులను వాడేస్తారు. ఆయా కంపెనీలు ఏం చెబితే అది నమ్మేస్తారు. ఆ క్షణంలో ఎవరు ఏం చెబితే అది చేసేస్తారు.అయితే, చర్మం చాలా సున్నితమైనది. ఏది పడితే అది రాసేస్తే ఎలర్జీలకు గురయ్యే ప్రమాదం ఉంది. చర్మానికి తగిన స్కిన్ కేర్ ప్రొడక్ట్స్ మాత్రమె వాడాలి. వాటిని కొనే ముందు అవి మీ చర్మానికి సరిపోతాయో లేదో చూసుకోకపోతే నష్టం తప్పదు. ఈ నేపథ్యంలో చర్మ సంరక్షణపై ఉన్న అపోహలు ఎంత వరకు వాస్తవమో తెలుసుకుందాం...నల్లగా ఉండేవారిని తెల్లగా చేస్తామనేది మార్కెట్ స్ట్రాటజీ మాత్రమే. ఈ క్రీములు కేవలం పిగ్మెంటేషన్ తొలగిస్తాయంతే. తెల్లగా ఉండి ఎండ వల్ల నల్లబడేవారికి ఇవి కాస్త సత్ఫలితం ఇవ్వొచ్చు. అయితే, స్కిన్ టోన్ నలుపు లేదా చామనచాయ ఉంటే అది అస్సలు సాధ్యం కాదు. అలాగే యూవీ రేస్ మూడు రకాలు. UVA, UVB, UVC. వీటిలో అత్యంత ప్రమాదకరమైనది UVA. అయితే, సన్ స్క్రీన్ లోషన్లు కేవలం UVB రేస్ నుంచి మాత్రమే రక్షణ కల్పిస్తాయి. మెక్సోరైల్, ఆక్సిబెంజ్, అవోబెంజ్ వంటి రసాయనాలు కలిగిన SPF మాత్రమే కాస్త మెరుగైన ఫలితమిస్తుంది. ఆకాశం మేఘావృతంగా ఉన్నా.. సూర్య కిరణాలు భూమిని తాకుతాయి. కాబట్టి, కేవలం ఎండగా ఉన్నప్పుడే సన్ స్క్రీన్ లోషన్స్ వాడాలనే అపోహ నమ్మొద్దు. నీళ్లు ఎక్కువగా తాగితే చర్మం హైడ్రేట్ అవుతుందనేది వాస్తవం కాదు. రోజు నీళ్లు తాగడం శరీరానికి మంచిదే. కానీ, చర్మాన్ని కూడా హైడ్రేట్ చేస్తుందనుకుంటే పొరపాటే. సహజ నూనెలు లేదా, మాయిస్చరైజర్లు, స్కిన్ లోషన్లు మాత్రమే చర్మాన్ని హైడ్రేట్ చేస్తాయి. ఆయిల్ స్కిన్ ఉన్నంత మాత్రాన్న మాయిస్చరైజర్ రాసుకోవక్కర్లేదు అనుకుంటే పొరపాటే. అతిగా ముఖాన్ని కడిగినా, మాయిస్చరైజ్ చేయకుండా వదిలేసినా చర్మంపై పగుళ్లు ఏర్పడతాయి. ప్రకృతి నుంచి ఉత్పత్తయ్యే సహజ పదార్థాలు ప్రయోజనకరమే. కానీ, వాటిని సున్నితమైన చర్మంపై నేరుగా వాడితే ప్రమాదకరం. కెమికల్స్తో తయారు చేసే ఉత్పత్తులు.. మన చర్మంపై ఎలాంటి ప్రభావం చూపుతాయో పరిశీలించిన తర్వాతే తయారు చేస్తారు. అదే చెట్లు, మట్టి నుంచి నేరుగా తీసిన పదార్థాలను పరిశీలించకుండా చర్మానికి రాస్తే అవి ఎలాంటి ప్రభావం చూపుతాయో చెప్పలేం. పాలు తాగడం వల్ల చర్మం తెల్లగా, మృదువుగా అవుతుందని నమ్మితే పొరపాటే. వాస్తవానికి.. మనుషులు జంతువుల పాలు తాగడం మంచిది కాదని చర్మ నిపుణులు చెబుతుంటారు. బ్లాక్ హెడ్స్ మూలాలు చర్మం లోలోపల ఉంటాయి. వాటిని స్క్రబ్బర్స్తో తోమినంత మాత్రాన్న పోతాయనుకుంటే పొరపాటే. ఒక వేళ తాత్కాలికంగా పోయినా అవి మళ్లీ పుడతాయి. వీటిని తొలగించేందుకు చర్మ వైద్యులను సంప్రదించడం మంచిది.