భార్య చావును ‘డెత్‌పార్టీ’ చేసుకున్న సైకో భర్త...ప్రేమతోనే!

తన భార్య చావుబ్రతుకుల మధ్య ఉందని కొంచెం కూడా కనికరం చూపకుండా నర రూప రాక్షషుడిలా ప్రవర్తించి తన చావుకు కారణమయ్యాడు. ఆహారం కూడా తినలేక ఇబ్బందిపడుతున్న ఆమెకు డ్రగ్స్ ఇవ్వడమే కాకుండా.. చెవులు పగిలిపోయేంత మ్యూజిక్ పెట్టి మరీ శృంగారంలో పాల్గొన్నాడు. చివరికి ఆమె మరణానికి కారణమయ్యాడు. అయితే, ఇదంతా అతడు ఆమెపై ఉన్న ప్రేమతోనే చేశానని చెప్పడం కొసమెరుపు. అమెరికాలోని విస్కాన్సిన్‌లో నివసిస్తున్న డువాన్ జాన్సన్ (59) భార్య డెబ్రా జాన్సన్ (69) అనారోగ్యంతో బాధపడుతుంది. ఆమెకు రెండుసార్లు గుండెపోటు రావడంతో నర్శింగ్ హోమ్‌లో చికిత్స పొందింది. అయితే, అక్కడ ఉండటం ఇష్టం లేక ఇంటికి తీసుకెళ్లాలని భర్తపై ఒత్తిడి చేసింది. దీంతో డువాన్ ఆమెను ఇంటికి తీసుకొచ్చాడు. ఆ తర్వాత ఆమె డయబెటీస్, రక్తపోటు మందులను తీసుకోవడం మానేసింది. చివరికి డెబ్రా కనీసం ఆహారం తినడానికి, తాగడానికి కూడా ఇబ్బంది పడేది. దీంతో ఆమె పెదాలపై ఐస్ పెట్టుకుని నీటిని చప్పరించేది. ఓ రోజు ఉదయం డువాన్ పెద్ద సౌండ్‌తో సంగీతం పెట్టి, ఆమెకు డ్రగ్స్ ఇచ్చి శృంగారంలో పాల్గొన్నాడు. ఇది జరిగిన రెండు గంటల తర్వాత ఆమె చనిపోయింది. దీంతో డువాన్ పోలీసులకు సమాచారం ఇచ్చాడు. పోలీసులు వచ్చిన తర్వాత డువాన్ వింతగా ప్రవర్తించాడు. ‘డెత్ పార్టీ గాడ్ హెల్’ అని ఇంటి డోరుపై అతడు రాసిన రాతలు చూసి ఆశ్చర్యపోయారు. పోలీసులు వచ్చేసరికి డువాన్ బాత్ టబ్‌లో తెల్ల రంగు పదార్థాన్ని (డ్రగ్స్ అని అనుమానం) శుభ్రం చేయడానికి ప్రయత్నించాడు. పోలీసులను చూడగానే నగ్నంగా రోడ్డుపై పరుగులు పెట్టాడు. దీంతో పోలీసులు అతడిని వెంబడించి పట్టుకున్నారు. డెబ్రా శవాన్ని డువాన్ తెల్ల వస్త్రంలో చుట్టాడు. ఎందుకలా చేశావని పోలీసులు ప్రశ్నిస్తే.. బైబిల్‌లో ఎలా చెప్పారో అదే చేశానని సమాధానం ఇచ్చాడు. శవ పంచనామాలో డెబ్రా మెథామ్ఫెటామైన్ అనే డ్రగ్ వల్ల విష ప్రభావానికి గురై ఆమె మరణించిందని వైద్యులు తేల్చారు. కోర్టులో డువాన్ తరఫు న్యాయవాది మాట్లాడుతూ.. ‘‘డువాన్‌కు తన భార్య అంటే ఇష్టమని, అతడి ఏడుపు వినకూడదనే ఉద్దేశంతోనే సంగీతం పెట్టాడు. డెడ్‌పార్టీ పేరుతో ఆమెకు డ్రగ్స్ ఇచ్చి, శృంగార సుఖంతో సంతోష పెట్టాలని భావించాడు’’ అని తెలిపారు. భార్య అనారోగ్యం తర్వాత డువాన్‌ మానసిక పరిస్థితి కూడా బాగోలేదని భావించిన కోర్టు అతడికి మూడేళ్ల కారాగార శిక్ష విధించింది.