ఎస్‌‌బీఐ కారు లోన్ స్కీమ్ చూశారా!

Written by : smtv Desk | Wed, Aug 14, 2019, 01:02 PM

ప్రభుత్వ రంగ దిగ్గజం స్టేట్ బ్యాంక్ ఆఫ్ ఇండియా (ఎస్‌‌బీఐ) కారు లోన్ స్కీమ్ ను ప్రవేశపెట్టింది. అయితే ఈ స్కీమ్ కేవలం నాన్ రెసిడెంట్ ఇండియన్స్ (ఎన్ఆర్ఐ) మాత్రమే వర్తిస్తుంది. దీనికి దేశంలో నివాసం ఉంటున్న ఒక వ్యక్తి గ్యారంటీ ఇవ్వాలి. నెలవారీ నికర వేతనంపై 18 రెట్లు మొత్తాన్ని రుణం కింద తీసుకోవచ్చు. లేదంటే వార్షిక నికర ఆదాయానికి 1.5 రెట్లు లోన్ తీసుకోవచ్చులోన్ తీసుకున్న తర్వాత ఈఎంఐ మొత్తం వార్షిక ఆదాయంలో 50 శాతం (సంవత్సరం ఆదాయం రూ.10 లక్షలలోపు ఉన్న వారికి) మించకూడదు. అదే వార్షిక ఆదాయం రూ.10 లక్షలకు పైన ఉంటే అప్పుడు ఈఎంఐ వార్షిక ఆదాయంలో 60 శాతం దాటకూడదు. విదేశాల నుంచి రెమిటెన్స్ రూపంలో ఈఎంఐ మొత్తాన్ని చెల్లించొచ్చు. లేదంటే దేశంలో ఉన్న బంధువుల ద్వారా కూడా ఈఎంఐ కట్టొచ్చు. తీసుకున్న రుణాన్ని ఏడేళ్లలోపు తిరిగి చెల్లించాలి. రుణాన్ని ముందుగానే చెల్లించొచ్చు. దీనికి బ్యాంక్ ఎలాంటి చార్జీలు వసూలు చేయదు. ఎస్‌బీఐ ఎన్ఆర్ఐ లోన్ స్కీమ్ కింద రుణం తీసుకుంటే వడ్డీ రేటు 9.75 శాతం ఉంటుంది. ఇది మగవారికి. అదే మహిళలకు వడ్డీ రేటు 9.7 శాతం. రుణ రేటు క్రెడిట్ స్కోర్ ప్రాతిపదికన కూడా మారొచ్చు. 2019, అక్టోబర్ 31లోపు రుణం తీసుకుంటే ప్రాసెసింగ్ ఫీజు ఉండదు. రుణం తీసుకోవాలని భావిస్తే హైపోథికేషన్ అగ్రిమెంట్, గ్యారంటీ అగ్రిమెంట్, అరెంజ్‌మెంట్ లెటర్, పవర్ ఆఫ్ అటర్నీ, లోన్ అప్లికేషన్ ఫామ్ వంటి డాక్యుమెంట్లు అవసరమౌతాయి. అలాగే మూడు పాస్‌పోర్ట్ సైజ్ ఫోటోలు, పాస్‌పోర్ట్ కాపీ, వర్క్ పర్మిట్, ఎంప్లాయి‌మెంట్ కాంట్రాక్ట్ కాపీ, లేటెస్ట్ శాలరీ స్లిప్ వంటి డాక్యుమెంట్లు కూడా కావాలి.