ట్యాక్స్ కట్టేవారికి పలు లాభాలు

     Written by : smtv Desk | Wed, Aug 14, 2019, 03:02 PM

ట్యాక్స్ కట్టేవారికి పలు లాభాలు

ట్యాక్స్ కట్టేవారు ఏడు రకాల లాభాలు పొందొచ్చు తెలుసా. ఆదాయపు పన్ను చట్టంలోని సెక్షన్ 139(1) ప్రకారం వ్యక్తి లేదా కంపెనీ ఆదాయం నిర్దేశిత స్థాయిని దాటితే కచ్చితంగా పన్ను చెల్లించాల్సిందే. ఇన్‌కమ్ ట్యాక్స్ రిటర్న్స్‌ను వల్ల పలు ప్రయోజనాలున్నాయి. అవేంటంటే...సులభంగా రుణాలు పొందొచ్చు. చాలా వరకు బ్యాంకులు రుణాల మంజూరీకి మూడేళ్ల ఇన్‌కమ్ ట్యాక్స్ రిటర్న్స్ కాపీలను కోరతాయి. మీరు కూడా లోన్ తీసుకోవాలని భావిస్తే.. ఐటీఆర్ సమర్పించి లోన్ పొందొచ్చు. ఫిక్స్‌డ్ డిపాజిట్లపై అర్జించే వడ్డీపై టీడీఎస్ పడుతుంది. 10 శాతం కట్ అవుతుంది. మీరు ఇన్‌కమ్ ట్యాక్స్ రిటర్న్ ఫైల్ చేస్తే టీడీఎస్ రూపంలో కట్ అయిన డబ్బుల్ని మళ్లీ వెనక్కు రిఫండ్ పొందొచ్చు. అయితే ఇక్కడ ఆదాయం ట్యాక్సబుల్ అమౌంట్ కన్నా తక్కువ ఉండాలి. ఒక ఏడాదిలో ఎవరికైనా నష్టాలు వస్తే.. ఇన్‌కమ్ ట్యాక్స్ రిటర్న్ ఫైలింగ్‌తో ఈ నష్టాలను పూడ్చుకోవచ్చు. నష్టాలను 8 వరుస సంవత్సరాల క్యారీ ఫార్వర్డ్ చేసుకోవచ్చు. దీంతో వచ్చే ఏడాది పన్ను భారం కొంత తగ్గుతుంది. మీరు విదేశాలకు జర్నీ చేయాలని భావిస్తే.. విదేశీ కాన్సూలేట్స్ వీసా ఇంటర్వ్యూ సమయంలో మీ ఐటీఆర్ రిసిప్ట్‌లను కోరతారు. బీమా కంపెనీలు ఇటీవల కాలంలో ఐటీఆర్ రసీదులు కోరుతున్నాయి. రూ.50 లక్షలు లేదా ఆపైన మొత్తానికి టర్మ్ పాలసీ తీసుకుంటే ఐటీఆర్ రిసిప్ట్ సమర్పించాలి. ఉద్యోగులకు ఇన్‌కమ్ ప్రూఫ్ కోసం ఫామ్ 16 ఉంటుంది. వ్యాపారం చేసేవారు, కన్సల్టెంట్స్, ఇతరులు ఫామ్ 16 ఉండదు. దీంతో వీరికి ఐటీఆర్ రిసిప్ట్స్ చాలా కీలకం. సెల్ఫ్ ఎంప్లాయిడ్ వారికి ఐటీఆర్ ఇన్‌కమ్ ప్రూఫ్‌గా పనిచేస్తుంది. మీరు ఐటీఆర్ దాఖలు చేయకపోతే మీకు పెనాల్టీలు పడతాయి. నిర్ణీత గడువులోగా ఐటీఆర్ ఫైల్ చేయకపోతే రూ.10,000 వరకు జరిమానా ఎదుర్కోవాలి. అందువల్ల ఆగస్ట్ 31లోపు ఇన్‌కమ్ ట్యాక్స్ రిటర్న్స్‌ దాఖలు చేయండి.





Untitled Document
Advertisements