వేపతో ఆరోగ్యప్రయోజనాలు అధికం

     Written by : smtv Desk | Wed, Aug 14, 2019, 03:17 PM

వేపతో ఆరోగ్యప్రయోజనాలు అధికం

వేప చేదుగా ఉంటుంది అని దూరం పెడితే మంచిది కాదు. ఎందుకంటే దాంతో మనకు అనేక ప్రయోజనాలు ఉన్నాయి. పల్లెటూళ్లలో ఉదయాన్నే వేప పుల్లతో పళ్లు తోముకోవడం చాలా మందికి అలవాటు. ఇంట్లో ఒక వేప చెట్టు ఉంటే వైద్యుడు ఉన్నట్టేనని చెబుతుంటారు. ఆయరేద్వ చికిత్సా విధానంలో వేపను ఔషధంగా ఉపయోగిస్తారు. హైదరాబాద్‌కు చెందిన పరిశోధకులు వేప గురించి ఆసక్తికర విషయాన్ని బయటపెట్టారు. ఇది కేన్సర్‌తో పోరాడుతున్నట్టు గుర్తించారు.వేపలోని నింబోలైడ్ అనే ఫైటోకెమికల్‌కు కేన్సర్‌ను నయం చేసే గుణం ఉన్నట్టు పరిశోధనలో తేలింది. నోటి ద్వారా నింబోలైడ్‌ను తీసుకుంటే ఫలితం శరీరాన్ని దాన్ని పూర్తిగా గ్రహించలేదు. అందువల్ల నోటి ద్వారా తీసుకుంటే పెద్దగా ఫలితం ఉండదని పరిశోధకులు చెబుతున్నారు. నింబోలైడ్‌తో మందుల తయారీకి ఇదే పెద్ద ఆటంకంగా మారింది. నేషనల్ ఇన్‌స్టిట్యూట్ ఆఫ్ ఫార్మాస్యూటికల్ ఎడ్యుకేషన్ అండ్ రీసెర్చ్‌కి చెందిన పరిశోధకులు ఈ అవాంతరాన్ని అధిగమించారు. ఇదొక్కటే కాదు.. వేపతో లభించే ఇతర ఆరోగ్య ప్రయోజనాలేంటో చూద్దాం..కాలుష్యం, అనారోగ్యకరమైన ఆహారం తీసుకోవడం, చెడు అలవాట్ల వల్ల శరీరంలో రోజూ చాలా విషతుల్య పదార్థాలు చేరుతుంటాయి. వేపను ఏదో ఒక రకంగా తీసుకోవడం వల్ల శరీరంలోని విషతుల్య పదార్థాలు తొలగిపోతాయి. కాలేయాన్ని, కిడ్నీల పనితీరు మెరుగయ్యేలా వేప ఉపకరిస్తుంది. జీర్ణ క్రియను పెంపొందిస్తుంది.వేపను తరచుగా తీసుకోవడం వల్ల కడుపులో మంట, గ్యాస్ట్రిక్ సంబంధ సమస్యలు తగ్గుతాయి. అల్సర్లు, మలబద్దకం, ఇన్ఫెక్షన్లు తగ్గించి ఆహార నాళ సంబంధ సమస్యలు రాకుండా చేయడంలో వేప ఉపకరిస్తుంది. ఇన్ఫెక్షన్ల కారణంగా కడుపులోని మంచి బ్యాక్టీరియా నాశనం కాకుండా కాపాడుతుంది.వేప వల్ల లభించే ప్రయోజనాల్లో ముఖ్యమైంది డయాబెటిస్‌ను నియంత్రణలో ఉంచడం. వేపలోని రసాయనాలు శరీరానికి తగినంత ఇన్సులిన్ అందేలా చూస్తాయి. డయాబెటిస్ రోగులకు ఇదెంతో ఉపయోగకరం. డయాబెటిస్ వచ్చే అవకాశాలను వేప తగ్గిస్తుంది. షుగర్ వ్యాధిగ్రస్తులు ఇన్సులిన్ మీద ఆధారపడే అవకాశాన్ని తగ్గిస్తుంది.వేప ఉత్పత్తులను టూత్ పేస్టులు, మౌత్ వాష్‌లలో ఉపయోగిస్తున్నారు. వేపలో యాంటీ బ్యాక్టీరియా గుణాలు అధికంగా ఉండటంతో.. అన్ని రకాల ఉత్పత్తుల్లో దాన్ని వాడుతున్నారు. చిగుళ్లలో దాగి ఉన్న బ్యాక్టీరియాను ఇది చంపేస్తుంది. నోరు దుర్వాసన రాకుండా అడ్డుకుంటుంది.వేప నూనెతో అవాంఛనీయ గర్భ రాకుండా అడ్డుకోవచ్చు. లైంగికంగా సంక్రమించే వ్యాధుల ముప్పు కూడా తగ్గించుకోవచ్చు.గాయాలపై వేప పేస్టును రాయడం వల్ల ఇన్ఫెక్షన్ బారిన పడుకుండా జాగ్రత్త పడొచ్చు. వేపాకులను ముద్దగా చేసి గాయమైన చోట రాస్తే.. గాయాలు త్వరగా మానుతాయి.వేప పువ్వులతో జ్యూస్‌లా చేసి తాగడం వల్ల బరువు తగ్గొచ్చు. ఇది జీర్ణక్రియను మెరుగు పర్చి కొవ్వు కరిగేలా చేస్తుంది. వేప పువ్వుల జ్యూస్‌ను నిమ్మ లేదా తేనెతో కలిపి తాగడం వల్ల త్వరగా బరువు తగ్గొచ్చు.చుండ్రు సమస్య తగ్గడానికి, ఫంగల్ ఇన్ఫెక్షన్లు తగ్గి జుట్టు ఆరోగ్యంగా ఉండటానికి వేపాకు ఉపకరిస్తుంది. తలలో పేనులను వేప చంపేస్తుంది. వేప మాడు ఆరోగ్యాన్ని కాపాడుతుంది.మొటిమలు, బ్లాక్ హెడ్స్‌ను తొలగించడంలో వేప తోడ్పడుతుంది. వేపాకులోని యాంటీ బ్యాక్టీరియా గుణాలు చర్మ వ్యాధులను నయం చేస్తాయి. చర్మం తేమగా ఉండేలా వేప సాయపడుతుంది.





Untitled Document
Advertisements