అకౌంట్ క్లోజ్ చేయలన్నా చార్జీలు చెల్లించాల్సిందే

Written by : smtv Desk | Wed, Aug 14, 2019, 03:55 PM

బ్యాంక్ అకౌంట్ తీసుకోవాలన్నా డబ్బులు కట్టాల్సిందే, దాన్ని మెయింటేన్ చేయలన్నా అందులో మిమిమం బ్యాలన్స్ ఉండాలి, ఎందుకులే అవసరమా అని అకౌంట్ క్లోజ్ చేయలన్నా చార్జీలు చెల్లించాల్సిందే. ఇలా ప్రతీ దశలో ఖాతాదారుల నుంచి ఎదో ఒక రూపంలో నగదును రాబట్టుకుంటున్నారు. అయితే బ్యాంక్ అకౌంట్ తెరిచిన 14 రోజుల్లోగా మళ్లీ దాన్ని క్లోజ్ చేసుకుంటే ఎలాంటి చార్జీలు పడవు. అదే 14 రోజుల తర్వాత ఏడాదిలోపు అకౌంట్‌ను క్లోజ్ చేస్తే చార్జీలు పడతాయి. మళ్లీ ఏడాది తర్వాత అకౌంట్ క్లోజ్‌ను చార్జీలు ఉండవు. ఉదాహరణకు మీరు స్టేట్ బ్యాంక్ ఆఫ్ ఇండియా (ఎస్‌బీఐ‌)లో అకౌంట్ క్లోజ్ చేసుకోవాలని భావిస్తున్నారా? బ్యాంక్ ఖాతా ప్రారంభించిన ఏడాది తర్వాత దాన్ని క్లోజ్ చేసుకుంటే ఎలాంటి చార్జీలు ఉండవు. అయితే ఇదివరకు ఏడాది తర్వాత కూడా అకౌంట్ క్లోజ్ చేసినా రూ.500 పెనాల్టీ పడేది. దీనికి జీఎస్‌టీ అదనం. 14 రోజులలోపు ఖాతా క్లోజ్ చేసుకున్న ఎలాంటి చార్జాలు చెల్లించాల్సిన అవసరం లేదు. ఇక 14 రోజుల తర్వాత ఏడాదిలోపు అకౌంట్ క్లోజ్ చేస్తే బ్యాంకులు రూ.500 నుంచి రూ.1,000 మధ్యలో చార్జీలు వసూలు చేస్తున్నాయి. అకౌంట్ ఓపెనింగ్ సమయంలో బ్యాంకులకు అయ్యే ఖర్చు రికవరీ కోసం బ్యాంకులు అకౌంట్ క్లోజింగ్ చార్జీలు వసూలు చేస్తాయి. బ్యాంక్ అకౌంట్ ఓపెనింగ్ సమయంలో బ్యాంకులు ఓపెనింగ్ కిట్, చెక్ బుక్, డెబిట్ కార్డు వంటివి ఇస్తాయి. ఇకపోతే బ్యాంక్ అకౌంట్ క్లోజింగ్ ‌చార్జీలకు సంబంధించి ఆర్‌బీఐ వద్ద నిర్దిష్టమైన నిబంధనలు అంటూ ఏమీలేవు. బ్యాంక్ అకౌంట్ క్లోజ్ చేయడానికి ముందుగానే అందులోని డబ్బుల్ని విత్‌డ్రా చేసుకోండి. అలాగే లోన్లకు, ఇతర ఇన్వెస్ట్‌మెంట్లకు అకౌంట్‌ను లింక్ చేసి ఉంటే డీలింక్ చేసుకోండి. బ్యాంకుకు వెళ్లి అకౌంట్ క్లోజర్ ఫామ్‌ను ఫిల్ చేసి ఇవ్వాలి. ఇందులో వేరొక బ్యాంక్ అకౌంట్ నెంబర్ వివరాలు కూడా అందిచాల్సి ఉంటుంది. క్లోజ్ చేయబోయే అకౌంట్‌లోని డబ్బుల్ని ఇందులోకి ట్రాన్స్‌ఫర్ చేస్తారు. అలాగే డెబిట్ కార్డు, చెక్ బుక్ వంటివి కూడా తిరిగిచ్చేయాల్సి ఉంటుంది.