హైదరాబాద్ వాసులకు ఐకియా బంపర్ ఆఫర్

Written by : smtv Desk | Thu, Aug 15, 2019, 12:07 PM

ప్రముఖ ఫర్నీచర్ సంస్థ ఐకియా తన తొలి వార్షికోత్సవం సందర్భంగా ఆఫర్స్ ప్రకటించింది. ఐకియాలో షాపింగ్ చేసి, కార్డును స్కాన్ చేసి, మీ స్టోరీని చెబితే మీరు ఉచితంగానే స్వీడన్ చుట్టేసిరావొచ్చు. ఐకియా ఇండియా 2018 ఆగస్ట్ 9న భారత్‌లో కార్యకలాపాలు ప్రారంభించింది. హైదరాబాద్‌లో తొలి స్టోర్‌ను తెరిచింది. అయితే ఆఫర్ వివరాలు ఎలా అంటే...హైదరాబాద్‌లోకి ఐకియా‌కు వెళ్లండి. ఆగస్ట్ 18లోపు షాపింగ్ చేయాలి. మీకు నచ్చిన ప్రొడక్ట్ కొనుగోలు చేయండి. చెక్ అవుట్ సమయంలో ఐకియా ఫ్యామిలీ మెంబర్‌షిప్ కార్డును స్కాన్ చేయాలి. ఇంటికి వెళ్లిన తర్వాత ఐకియాలో కొనుగోలు చేసిన ప్రొడక్టుతో ఫోటో దిగాలి. ఈ ప్రొడక్టుతో మీ అనుభవాలను తెలియజేస్తూ ఒక స్టోరీ రాసి, దాన్ని ఐకియా వెబ్‌సైట్‌లోకి వెళ్లి షేరు చేయాలి. ఐకియా వెబ్‌సైట్‌లో మీ సోర్టీ కనిపించిన తర్వాత దాన్ని స్నేహితులకు, కుటుంబ సభ్యులకు షేర్ చేసుకోవచ్చు. ఎక్కువ లైక్స్ వచ్చిన స్టోరీ పంపిన వారికి స్వీడన్ వెళ్లే ఛాన్స్ వరిస్తుంది. ఓటింగ్ సెప్టెంబర్ 9 నుంచి 20 వరకు కొనసాగుతుంది. ఇందులో గెలుపొందిన వారు ఏడాదిలో ఎప్పుడైనా స్వీడన్‌కు వెళ్లొచ్చు. మీకు నచ్చిన తేదీల్లో ట్రిప్ ప్లాన్ చేసుకోవచ్చు. స్వీడన్ ట్రిప్ ఆరు రోజులు ఉంటుంది. తొలి రోజు మీరు స్టాక్‌హోమ్‌కు చేరుకుంటారు. తర్వాత హోటల్‌కు వెళ్లి సేదతీరుతారు. తర్వాతి 2,3 రోజుల్లో అక్కడ స్థానికంగా ఉన్న టూరిస్ట్ ప్రాంతాలు, మ్యూజియం వంటి వాటిని చూపిస్తారు. నాలుగో రోజు ఆల్మ్‌హల్ట్‌కు తీసుకెళ్తారు. ఇక్కడే ఐకియా సేవలు ప్రారంభమయ్యాయి. స్థానిక ప్రాంతాలు చూపిస్తారు. ఐదో రోజు మళ్లీ స్టాక్‌హోమ్‌కు వస్తారు. ఆరో రోజు తిరిగి వెనక్కు రావాల్సి ఉంటుంది. తెలంగాణ వారికి మాత్రమే ఈ ఆఫర్ వర్తిస్తుంది.