నిద్రలో నడిచే అలవాటు...స్నేహితుడి ప్రియురాలిపై అత్యాచారం

నిద్రలో నడిచే అలవాటు ఉన్నవ్యక్తి ఓ రోజు తన స్నేహితుడి ప్రియురాలిపై నిద్రలో సెక్స్‌కు ప్రయత్నించాడు. అయితే తొలుత తన ప్రియుడే అలా చేస్తున్నాడని భావించని ఆ యువతి తర్వాత కళ్లు తెరిచి చూసి షాకైంది. యూకేకు చెందిన 21 ఏళ్ల డాలే కెల్లీకి నిద్రలో నడక (స్లీప్ వాకింగ్) సమస్య ఉంది. దీంతో అతడు తెలియకుండానే స్నేహితుడి ప్రియురాలిపై లైంగిక దాడి చేశాడు. కెల్లీ ఆమె శరీరాన్ని తడుముతున్న సమయంలో పక్కనే బాయ్ ఫ్రెండ్ నిద్రపోయి ఉండటాన్ని చూసి ఆశ్చర్యపోయింది. వెంటనే లైట్ వేసింది. తనపై పడుకున్న కెల్లీని పక్కకు తోసేసి అతడి స్నేహితుడిని నిద్రలేపింది. అయితే, తాను కావాలని అలా చేయాలని కెల్లీ ఆమెకు వివరణ ఇచ్చే ప్రయత్నం చేశాడు. ఆమె అతడిని క్షమించకపోగా పోలీసులకు ఫిర్యాదు చేసి అరెస్టు చేయించింది. ఈ కేసు ఇటీవల యార్క్ క్రౌన్ కోర్టులో విచారణకు వచ్చింది. ఈ సందర్భంగా కెల్లీ తరఫు న్యాయవాది మాట్లాడుతూ.. ‘‘కెల్లీకి నిద్రలో నడిచే అలవాటు ఉంది. ఆ రోజు అతడికి అతని గర్ల్‌ఫ్రెండ్ లివీతో కలిసి ఉన్నట్లు కల వచ్చింది. దీంతో లివీ తన స్నేహితుడి గర్ల్‌ఫ్రెండ్‌ను లివీగా భావించి ఆమెతో అలా ప్రవర్తించాడు’’ అని తెలిపాడు. అయితే, బాధితురాలు మాత్రం ఇందుకు అంగీకరించలేదు. ఆ రోజు జరిగిన ఘటన తాను మరిచిపోలేనని, అతడు తన శరీరాన్ని అసభ్యకరంగా తాకడమే కాకుండా, అత్యాచారానికి ప్రయత్నించాడని తెలిపింది. తనకు మెలకువ రావడం వల్ల అతడిని అడ్డుకోగలిగానని, వెంటనే తన ప్రియుడిని నిద్రలేపి కెల్లీ చేసిన అఘాయిత్యం చెప్పానని పేర్కొంది. దీంతో కెల్లీ స్పందిస్తూ.. తాను ఏ రోజు ఆమెను తప్పుడు భావంతో చూడలేదన్నాడు. ఏం జరిగినా.. అది తనకు తెలియకుండా జరిగిందే తప్పా, తెలిసి చేయలేదని తెలిపాడు. కెల్లీకి బాల్యం నుంచి నిద్రలో నడిచే అలవాటు ఉందని, ఒక గదిలో నుంచి మరో గదిలోకి వెళ్లి నిద్రపోతుంటాడని న్యాయవాది తెలిపాడు. ఈ సమస్యను ‘స్లీప్ డిజార్డర్ పారాసోమ్నియా’ అంటారని, ఈ అలవాటు ఉన్నవారు తమకు తెలియకుండానే నిద్రలో నడుస్తారన్నారు. కొందరు నిద్ర మైకంలోనే లైంగిక చర్యలకు పాల్పడతారని తెలిపారు. ఒక వ్యక్తి శరీరం తన ఆధీనంలో లేనప్పుడు.. ఏం చేసినా నేరంగా పరిగణించరాదని చట్టం చెబుతోందని, ఈ నేపథ్యంలో కెల్లీని నిర్దోషిగా భావించాలన్నారు. అయితే, కోర్టు ఈ కేసుపై తీర్పు వెల్లడించలేదు. కెల్లీ సమస్యపై వైద్యుల సూచనలను తీసుకోవాలని పేర్కొంటూ కేసును వాయిదా వేసింది.