పోస్టాఫీసులలో అదిరిపోయే వడ్డీ రేట్లు

Written by : smtv Desk | Fri, Aug 16, 2019, 12:41 PM

పోస్టాఫీసులు దాదాపు 9 రకాల సేవింగ్స్ స్కీమ్స్‌ను ఆఫర్ చేస్తోంది. అందులో పోస్టాఫీస్ సేవింగ్స్ అకౌంట్, నేషనల్ సేవింగ్స్ రికరింగ్ డిపాజిట్ (ఆర్‌డీ) అకౌంట్, నేషనల్ సేవింగ్స్ టైమ్ డిపాజిట్ అకౌంట్, నేషనల్ సేవింగ్స్ మంత్లీ ఇన్‌కమ్ అకౌంట్, సీనియర్ సిటిజన్స్ సేవింగ్స్ స్కీమ్ అకౌంట్, పబ్లిక్ ప్రావిడెంట్ ఫండ్ అకౌంట్, నేషనల్ సేవింగ్స్ సర్టిఫికెట్స్ అకౌంట్, కిసాన్ వికాస్ పత్ర అకౌంట్, సుకన్య సమృద్ది అకౌంట్ వంటివి ఉన్నాయి. అయితే వీటిల్లో సీనియర్ సిటిజన్స్ సేవింగ్స్ స్కీమ్, సుకన్య సమృద్ది అకౌంట్‌లపై 8.6 శాతం వరకు వడ్డీ రేటు లభిస్తోంది. పోస్టాఫీస్ సేవింగ్స్ స్కీమ్స్‌పై వడ్డీ రేటు ప్రతి మూడు నెలలకు ఒకసారి మారుతూ ఉంటుంది. 2019 జూలై 1 నుంచి సీనియర్ సిటిజన్స్ సేవింగ్స్ స్కీమ్‌ అకౌంట్‌పై వార్షికంగా 8.6 శాతం వడ్డీ రేటు లభిస్తోంది. సుకన్య సమృద్ది అకౌంట్‌పై 8.4 శాతం వడ్డీ పొందొచ్చు. సీనియర్ సిటిజన్స్ సేవింగ్స్ స్కీమ్‌ అకౌంట్‌లో కనీసం రూ.1,000 నుంచి డబ్బు డిపాజిట్ చేయవచ్చు. రూ.15 లక్షల వరకు కూడా డిపాజిట్ చేసే సౌకర్యం ఉంది. ఈ అకౌంట్ మెచ్యురిటీ పీరియడ్ ఐదేళ్లు. ఒకటి కన్నా ఎక్కువ అకౌంట్లను ప్రారంభించొచ్చు. 60 ఏళ్లు పైనున్న వారే ఈ ఖాతాను ప్రారంభించగలరు. సుకన్య సమృద్ది అకౌంట్ విషయానికి వస్తే ఇందులో డిపాజిట్ చేసే డబ్బుకు పన్ను మినహాయింపు ఉంటుంది. రూ.1.5 లక్షల వరకు ట్యాక్స్ డిడక్షన్ పొందొచ్చు. కనీసం రూ.1,000 ఖాతా ప్రారంభించొచ్చు. ఒక ఆర్థిక సంవత్సరంలో రూ.1.5 లక్షల వరకు మాత్రమే ఇన్వెస్ట్ చేయగలం. 10 ఏళ్లలోపు వయసు ఉన్న ఆడపిల్లల పేరుపై ఈ సుకన్య సమృద్ది ఖాతా తెరవొచ్చు.