సచిన్ సరసన టిమ్ సౌథీ

     Written by : smtv Desk | Fri, Aug 16, 2019, 12:41 PM

సచిన్ సరసన టిమ్ సౌథీ

దిగ్గజ క్రికెటర్ సచిన్ టెండూల్కర్ సిక్సర్ల రికార్డుల సరసన న్యూజిలాండ్ ఫాస్ట్ బౌలర్ టిమ్ సౌథీ నిలిచాడు. తాజాగా శ్రీలంకతో జరుగుతున్న తొలి టెస్టు మ్యాచ్‌లో 19 బంతులు ఎదుర్కొన్న టిమ్ సౌథీ.. ఒక సిక్స్ సాయంతో 14 పరుగులు చేసి ఔటయ్యాడు. అయితే.. ఈ సిక్స్ బాదడం ద్వారా సచిన్ టెండూల్కర్ రికార్డ్‌ని ఈ ఫాస్ట్ బౌలర్ సమం చేశాడు. అంతర్జాతీయ క్రికెట్‌లో 200 టెస్టు మ్యాచ్‌లాడిన సచిన్ టెండూల్కర్ 53.79 సగటుతో 15,291 పరుగులు చేశాడు. ఇందులో ఆరు డబుల్ సెంచరీలు, 51 శతకాలు, 68 అర్ధశతకాలు ఉన్నాయి. కానీ.. సుదీర్ఘ టెస్టు కెరీర్‌లో సచిన్ టెండూల్కర్ కొట్టిన సిక్సర్లు 69 మాత్రమే. మరోవైపు 66 టెస్టులాడిన టిమ్ సౌథీ.. 17.98 సగటుతో 1,564 పరుగులతో కొనసాగుతున్నాడు. ఇందులో ఐదు అర్ధశతకాలు మాత్రమే ఉండగా.. ఈ ఫాస్ట్ బౌలర్ తాజాగా 69 సిక్సర్లతో సచిన్ సరసన నిలిచాడు. ఇంకా ఆశ్చర్యకరమైన విషయం ఏంటంటే..? సచిన్ టెండూల్కర్ ఈ 69 సిక్సర్లని 329 ఇన్నింగ్స్‌ల్లో ఆడి కొట్టగా.. టిమ్ సౌథీ కేవలం 96 ఇన్నింగ్స్‌ల్లోనే ఆ మార్క్‌ని అందుకున్నాడు. శ్రీలంక, న్యూజిలాండ్ మధ్య గత బుధవారం ఆరంభమైన ఈ టెస్టు మ్యాచ్‌లో.. తొలుత బ్యాటింగ్ చేసిన న్యూజిలాండ్ జట్టు మొదటి ఇన్నింగ్స్‌లో 249 పరుగులకి ఆలౌటవగా.. శ్రీలంక తొలి ఇన్నింగ్స్‌ని 251/8తో ప్రస్తుతం కొనసాగిస్తోంది.





Untitled Document
Advertisements