సుజుకీ 125 స్కూటర్ యాక్సెస్‌లో కొత్త వేరియంట్‌ రిలీజ్

Written by : smtv Desk | Sun, Aug 18, 2019, 02:47 PM

ప్రముఖ వాహన తయారీ కంపెనీ సుజుకీ మోటార్‌సైకిల్ ఇండియా (ఎస్ఎంఐపీఎల్) తాజాగా తన బెస్ట్ సెల్లింగ్ 125 స్కూటర్ యాక్సెస్‌లో కొత్త వేరియంట్‌ను రిలీజ్ చేసింది. అలాయ్ వీల్ ఆప్షన్ స్కూటర్లకు డిమాండ్ పెరుగుతోందని అందువల్లనే కొత్త వేరియంట్‌ను ఆవిష్కరించామని సుజుకీ మోటార్‌సైకిల్ ఇండియా తెలిపింది. ఈ కొత్త సుజుకీ యాక్సెస్ 125 ధర రూ.59,891గా ఉంది. అలాగే సుజుకీ యాక్సెస్ 125 స్పెషల్ ఎడిషన్ (అలాయ్ వీల్స్‌తోపాటు ఫ్రంట్ డిస్క్ బ్రేక్) ధర రూ.61,788. ధరలన్నీ ఎక్స్‌షోరూమ్ ఢిల్లీవి. ‘సుజుకీ యాక్సెస్ 125లో డ్రమ్ బ్రేక్ వేరియంట్‌ను మార్కె్ట్‌లోకి తీసుకురావడం ఆనందంగా ఉంది. అలాయ్ వీల్ ఆప్షన్‌కు మార్కెట్‌లో డిమాండ్ పెరుగతోంది. అందువల్ల కస్టమర్ల ప్రాధాన్యాలకు అనుగుణంగా ఈ వేరియంట్ లాంచ్ చేశాం. భారత్‌లో ఫ్యామిలీ స్కూటర్ స్థాయికి యాక్సెస్ 125 చేరుకుంది. కొత్త వేరియంట్‌తో మరింత ఎక్కువ మంది కస్టమర్లు సుజుకీ కుటుంబంలోకి చేరుతారని ఆశిస్తున్నా’ అని సుజుకీ మోటార్‌సైకిల్ ఇండియా వైస్ ప్రెసిడెంట్ (సేల్స్ అండ్ మార్కెటింగ్) దేవాశీష్ హండా తెలిపారు. సుజుకీ యాక్సెస్ 125 డ్రమ్ బ్రేక్, అలాయ్ వీల్ వేరియంట్‌లో మెకానికల్‌గా ఎలాంటి మార్పులు లేవు. 124 సీసీ సింగిల్ సిలిండర్ 4 స్ట్రోక్ ఇంజిన్ ఉంటుంది. లాంగ్ సీట్, ఈజీ స్టార్ట్ సిస్టమ్, పెద్ద ఫ్లోర్ బోర్డ్, కాంబైన్డ్ బ్రేకింగ్ సిస్టమ్, సెంట్రల్ లాంకింగ్ వంటి ఫీచర్లున్నాయి. ఈ కొత్త వేరియంట్ బ్లూ, బ్లాక్, గ్రే, వైట్ రంగుల్లో అందుబాటులో ఉండనుంది. సుజుకీ మోటార్ సైకిల్ ఇండియా మార్కెట్‌లో విక్రయిస్తున్న వాహనాల్లోకెల్లా అత్యధికంగా అమ్ముడవుతున్న స్కూటర్ సుజుకీ యాక్సెస్‌ 125. కంపెనీ నెలవారీ మొత్తం విక్రయాలను గమనిస్తే ఈ ఒక్క స్కూటరే 90 శాతం వాటాను కలిగి ఉంటుంది. అలాగే 125 సీసీ విభాగంలో బెస్ట్ సెల్లింగ్ స్కూటర్ కూడా ఇదే.