రిటైర్మెంట్ తరువాత ఇలా సంపాదించండి!

     Written by : smtv Desk | Fri, Aug 23, 2019, 07:44 PM

రిటైర్మెంట్ తరువాత ఇలా సంపాదించండి!

ఉద్యోగం చేస్తున్నవారు తమ పదవి విరమణ తరువాత ఖర్చుల కోసం తగిన ప్రణాళికలు రూపొందించుకుంటారు. ట్యాక్స్, ఇన్వెస్ట్‌మెంట్ నిపుణుల ప్రకారం చూస్తే.. రిటైర్మెంట్‌కు దగ్గరకు వచ్చేసరికి పోర్ట్‌ఫోలియోలో చాలా మార్పులు చోటుచేసుకుంటాయి. మరీమఖ్యంగా పదవీ విరమణ సమయానికి చాలా ఇన్వెస్ట్‌మెంట్లు మెచ్యూరిటీకి వస్తాయి. బ్యాంక్ అకౌంట్‌ డబ్బులతో కళకళలాడుతుంది. రిటైర్మెంట్ తర్వాత చేసే ఇన్వెస్ట్‌మెంట్ల విషయంలోనూ జాగ్రత్తగా ఉండాలి. బెస్ట్ ఫిన్ కన్సల్టెంట్స్ ఫౌండర్ సుశీల్ జైన్ మాట్లాడుతూ.. పదవీ విరమణ తర్వాత ఖర్చులను లెక్కలోకి తీసుకోవాలన్నారు. వీటిల్లో మళ్లీ రెగ్యులర్ ఖర్చులు (వైద్య ఖర్చులు సహా) ఏవో చూడాలని తెలిపారు. ఇవేకాకుండా ఇన్‌కమ్ ట్యాక్స్, ఇన్సూరెన్స్ ప్రీమియం, రెగ్యులర్ హెల్త్ చెకప్ వంటి వార్షిక ఖర్చులకు మరొక లిస్ట్ తయారు చేసుకోవాలని పేర్కొన్నారు. వీటికి అనుగుణంగా ఇన్వెస్ట్‌మెంట్లను ప్లాన్ చేసుకోవాలని సూచించారు. సుశీల్ జైన్ పదవీ విరమణ తర్వాత ఇన్వెస్ట్‌మెంట్లను ఎందుకు కొనసాగించాలో కూడా వివరించారు. రిటైర్మెంట్ తర్వాత ఆదాయం తగ్గిపోతుందని, ఖర్చులు మాత్రం స్థిరంగా ఉంటాయని (కొన్ని సందర్భాల్లో పెరగొచ్చు కూడా) తెలిపారు. అందువల్ల 60 ఏళ్ల తర్వాత టెన్షన్ లేకుండా ఉండాలని భావించడం తెలివైన నిర్ణయం కాదని పేర్కొన్నారు. 60 ఏళ్ల తర్వాత హెల్త్ ప్లాన్స్‌లో ఇన్వెస్ట్‌మెంట్లను కొనసాగించాలని ఆయన సూచించారు. దీంతో వైద్య ఖర్చులను అధిగమించొచ్చని తెలిపారు. అలాగే సీనియర్ సిటిజన్స్ అత్యవసర నిధిని కూడా కలిగి ఉండాలని పేర్కొన్నారు. దీని కోసం పోస్టాఫీస్ స్కీమ్‌, బ్యాంక్ ఎఫ్‌డీ, డెట్ మ్యూచుల్ ఫండ్స్, హైబ్రిడ్ ఫండ్స్ వంటి వాటిల్లో ఇన్వెస్ట్ చేయాలని సూచించారు. పదవీ విరమణ తర్వాత నెలవారీ ఖర్చులకు 6-7 రెట్లు ఎమర్జెన్సీ ఫండ్‌ను కలిగి ఉంటే టెన్షన్ ఫ్రీ జివితాన్ని కొనసాగించొచ్చని అభిప్రాయపడ్డారు. అందువల్ల పదవీ విరమణ కోసం వీలైనంత ముందు నుంచే ప్రణాళికలు రూపొందించుకోవాలి. అప్పుడు చివరకు వచ్చేసరికి సుఖవంతమైన జీవితం కొనసాగించొచ్చు.





Untitled Document
Advertisements