Advertisements

Untitled Document

Untitled Document

చిన్నారిని ఎత్తుకెళ్లేందుకు ప్రయత్నించిన దొంగ దొరికిపోయాడు - వీడియో

     Written by : smtv Desk | Wed, Sep 18, 2019, 02:39 PM

చిన్నారిని ఎత్తుకెళ్లేందుకు ప్రయత్నించిన దొంగ దొరికిపోయాడు - వీడియో

చల్లటి గాలికి తన నాలుగేళ్ల చిన్నారితో కలిసి ఓ తల్లి ఆరుబయటే నిద్రపోయింది. అయితే దీన్ని గమనించిన ఓ కిడ్నాపర్ పాపను ఎత్తుకెళ్లేందుకు ప్లాన్ వేశాడు. చల్లగా వచ్చి చిన్నారిని తన ట్రై సైకిల్ లో తీసుకెళ్లేందుకు ప్రయత్నించాడు. వెంటనే మేలుకున్న తల్లి ఒక్క ఉదుటన తన పాపను దగ్గరకు తీసుకుంది. దీంతో కిడ్నాపర్ ఘటనాస్థలం నుంచి పారిపోయాడు. ఈ ఘటన పంజాబ్ లోని లూథియానాలో చోటుచేసుకుంది.



లూథియానాలో ఓ చిన్నారి తన అమ్మ, నానమ్మతో కలిసి ఆరు బయట నిద్రపోతుండగా, అదే ప్రాంతానికి చెందిన 40 ఏళ్ల వ్యక్తి పాపను కిడ్నాప్ చేసేందుకు ప్రయత్నించాడు. అయితే బాలిక తల్లి ఒక్కసారిగా మేల్కొని గట్టిగా అరవడంతో అతను ఘటనాస్థలం నుంచి ట్రై-సైకిల్ పై పరారయ్యాడు. అయితే స్థానికులు అతడిని కొద్దిదూరంలోనే పట్టుకుని పోలీసులకు అప్పగించారు.

ఈ ఘటన మొత్తం సీసీటీవీలో రికార్డయింది. ఈ విషయమై పోలీసులు మాట్లాడుతూ.. నిందితుడు పాపను ఎందుకు కిడ్నాప్ చేయాలనుకున్నాడో ఇంకా తెలియరాలేదని చెప్పారు. బాధిత కుటుంబం ఫిర్యాదు, సీసీటీవీ ఫుటేజీ ఆధారంగా సదరు నిందితుడిపై కేసు నమోదుచేశామన్నారు. త్వరలోనే అతడిని కోర్టులో హాజరుపర్చి రిమాండ్ కు తరలిస్తామని పేర్కొన్నారు.




Untitled Document
Advertisements