నేటితో 'గేట్' దరఖాస్తు గడువు ముగింపు

పీజీ, పీహెచ్‌డీ ప్రవేశాలకు నిర్దేశించిన 'గేట్' దరఖాస్తు గడువు అక్టోబరు 5తో ముగియనుంది. అయితే సెప్టెంబరు 24తో ముగియాల్సిన గడువును సెప్టెబరు 28 వరకు పొడిగించిన సంగతి తెలిసిందే. అయితే ఆలస్య రుసుముతో అక్టోబరు 1 వరకు ఉన్న గడువును కూడా అక్టోబరు 5 వరకు ఐఐటీ ఢిల్లీ పొడిగించింది. ఇప్పటి వరకు దరఖాస్తు చేసుకోలేని అభ్యర్థుల అక్టోబరు 5లోపు దరఖాస్తు చేసుకోవచ్చు.
✦ బ్యాచిలర్స్ డిగ్రీ (ఇంజినీరింగ్/టెక్నాలజీ).
✦ బ్యాచిలర్స్ డిగ్రీ (ఆర్కిటెక్చర్).
✦ బ్యాచిలర్ ఆఫ్ సైన్స్ విభాగంలో నాలుగేళ్ల డిగ్రీ.
✦ మాస్టర్ డిగ్రీ (సైన్స్/మ్యాథ్స్/స్టాటిస్టిక్స్/కంప్యూటర్ అప్లికేషన్స్).
✦ నాలుగేళ్ల ఇంటిగ్రేడెట్ మాస్టర్ డిగ్రీ (ఇంజినీరింగ్/టెక్నాలజీ).
✦ ఐదేళ్ల ఇంటిగ్రేడెట్ మాస్టర్ డిగ్రీ లేదా డ్యూయల్ డిగ్రీ (ఇంజినీరింగ్/టెక్నాలజీ).
ధరఖాస్తు ఫీజు ఇలా..:
విభాగం-దరఖాస్తు ఫీజు(ఎక్స్‌టెండెడ్ పీరియడ్):
ఎస్సీ, ఎస్టీ, దివ్యాగులు, మహిళా అభ్యర్థులు-రూ.1250,
జనరల్/ ఓబీసీ అభ్యర్థులు-రూ.2000,
అద్దిస్ అబాబా, ఢాకా, కొలంబో, ఖాఠ్మండ్ దేశాల అభ్యర్థులు 70 యూఎస్ డాలర్లు,
దుబాయి, సింగపూర్ దేశాల అభ్యర్థులు-120 యూఎస్ డాలర్లు.
గేట్‌లో వచ్చే స్కోరు ఆధారంగానే ఐఐటీలు, ఎన్ఐటీలు, ఇన్‌స్టిట్యూట్ ఆఫ్ సైన్సెస్, యూనివర్సిటీలు, ప్రముఖ ఇంజినీరింగ్ కళాశాలల్లో ఇంజినీరింగ్, టెక్నాలజీ, ఆర్కిటెక్చర్, ఫార్మసీ విభాగాల్లో ప్రవేశాలు కల్పిస్తారు. ఈ క్రమంలోనే ఐఐటీ ఢిల్లీ 'గేట్-2020' నోటిఫికేషన్‌ను జులై 9న విడుదల చేసింది. నోటిఫికేషన్ ప్రకారం వచ్చేఏడాది 2020లో ఫిబ్రవరి 1, 2, 8 ,9 తేదీల్లో గేట్-2020 పరీక్షలు నిర్వహించనున్నారు. మార్చి 16న గేట్-2020 ఫలితాలను వెల్లడించనున్నారు.గేట్ ద్వారా దేశవ్యాప్తంగా ఉన్న 7 ఐఐటీలు (బొంబయి, ఢిల్లీ, గువాహటి, కాన్పూర్, ఖరగ్‌పూర్, మద్రాస్, రూర్కీ)తోపాటు బెంగళూరులోని ఇండియన్ ఇన్‌స్టిట్ ఆఫ్ సైన్స్, ఇతర ప్రభుత్వరంగ విద్యాసంస్థల్లో డిగ్రీ, పీహెచ్‌డీ కోర్సుల్లో ప్రవేశాలు కల్పిస్తారు. ఇతర ప్రైవేట్ యూనివర్సిటీలు, విద్యాసంస్థలు కూడా గేట్ స్కోరునే ప్రవేశాలకు ప్రామాణికంగా తీసుకుంటాయి. కొన్ని ప్రభుత్వ సంస్థలు గేట్ స్కోరు ద్వారా ఉద్యోగావకాశాలు కూడా కల్పిస్తున్నాయి.
దరఖాస్తు విధానం..
✦ గేట్ పరీక్షకు దరఖాస్తు చేయగోరువారు ఆన్‌లైన్ ద్వారా దరఖాస్తు చేసుకోవాల్సి ఉంటుంది. సంబంధిత వెబ్‌సైట్ ద్వారా ఆన్‌లైన్ రిజిస్ట్రేషన్ చేసుకోవాలి.
✦ రిజిస్ట్రేషన్ తర్వాత అభ్యర్థికి యూజర్ ఐడీ, పాస్‌వర్డ్ వస్తాయి. వీటి ద్వారా గేట్‌కు సంబంధించిన భవిష్యత్ అవసరాలకు ఉపయోగపడుతుంది.
✦ దరఖాస్తు సమయంలో విద్యార్హతకు సంబంధించిన సర్టిఫికేట్ స్కాన్ కాపీలు, ప్రొవిజనల్ సర్టిఫికేట్లు అందుబాటులో ఉంచుకోవాలి.
✦ ఐడీ ప్రూఫ్ తప్పనిసరిగా అవసరమవుతుంది. ఐడీ ప్రూఫ్‌గా పాస్‌పోర్ట్, పాన్ కార్డు, ఓటరు కార్డు, ఆధార్ కార్డు, డ్రైవింగ్ లైసెన్స్, కాలేజీ ఐడీ, ఎంప్లాయ్ ఐడీకార్డుల్లో ఏదైనా ఒకటి తప్పనిసరిగా ఉండాలి.
పరీక్ష విధానం..
✦ మొత్తం 25 సబ్జెక్టుల్లో గేట్ పరీక్ష నిర్వహిస్తారు. దేశంలోని అన్ని ప్రధాన నగరాలతోపాటు.. ఇతర దేశాలలోని ఆ6 నగరాల్లో పరీక్ష నిర్వహిస్తారు.
✦ ప్రకటించిన తేదీల్లో మొత్తం రెండు సెషన్లలో గేట్ పరీక్షలు నిర్వహించనున్నారు. మొదటి సెషన్‌‌లో ఉదయం 9.30 గంటల నుంచి మధ్యాహ్నం 12.30 గంటల వరకు.. రెండో సెషన్‌లో మధ్యాహ్నం 2.30 గంటల నుంచి సాయంత్రం 5.30 గంటల వరకు పరీక్షలు జరగనున్నాయి.
✦ ఆన్‌లైన్ విధానంలో నిర్వహించే గేట్ పరీక్షలో 100 మార్కులకు 65 ప్రశ్నలు అడుగుతారు. వీటిలో జనరల్ ఆప్టిట్యూడ్ నుంచి 10 ప్రశ్నలకుగాను 15 మార్కులు; టెక్నికల్, ఇంజినీరింగ్, మ్యాథమెటిక్స్ విభాగాల నుంచి 55 ప్రశ్నలకుగాను 85 మార్కులు ఉంటాయి.
✦ పరీక్ష సమయం 3 గంటలు.
✦ నెగెటివ్ మార్కులు కూడా ఉన్నాయి. ప్రతి తప్పు సమాధానానాకి 0.33 చొప్పున మార్కుల్లో కోత విధిస్తారు.
ముఖ్యమైన తేదీలు...
ఆన్‌లైన్ దరఖాస్తు ప్రక్రియ ప్రారంభం-03.09.2019.
ఆన్‌లైన్ దరఖాస్తుకు చివరితేది-28.09.2019.
ఆన్‌లైన్ దరఖాస్తుకు చివరితేది (ఎక్స్‌టెండెడ్)-05.10.2019.
పరీక్ష కేంద్రం మార్చుకోవడానికి చివరితేది-15.11.2019.
అడ్మిట్‌కార్డు డౌన్‌లోడ్-03.01.2020.
గేట్ పరీక్ష తేదీలు-2020 ఫిబ్రవరి 1, 2, 8, 9 తేదీల్లో.
ఫలితాల వెల్లడి-16.03.2020.