సైరాపై నెగిటివ్ కామెంట్స్...ఎకిపారేస్తున్న ఫ్యాన్స్

Written by : smtv Desk | Sat, Oct 05, 2019, 10:06 AM

‘సైరా నరసింహారెడ్డి’ సినిమా బాక్సాఫీస్ వద్ద సంచలనం సృష్టిస్తున్న సంగతి తెలిసిందే. రేనాటి వీరుడు ఉయ్యాలవాడ నరసింహారెడ్డి జీవితాధారంగా తెరకెక్కిన ఈ సినిమా గాంధీ జయంతి సందర్భంగా ప్రేక్షకుల ముందుకు వచ్చింది. ముందుగా ఊహించినట్లుగానే సినిమా బ్లాక్ బస్టర్ అయిపోయింది. తొలిరోజే బాక్సాఫీస్ వద్ద సత్తా చాటింది. రోజరోజుకీ కలెక్షన్ల సంఖ్య డబుల్ అవుతోంది. అయితే ఈ సినిమా విడుదలైన రోజు బాలీవుడ్ క్రిటిక్ సుచరితా త్యాగి నోటికొచ్చిన కామెంట్స్ చేశారు. సినిమాను భరించలేకపోయానని అన్నారు. సినిమా కథ బాగానే ఉన్నా నరేషన్ అస్సలు బాలేదని కామెంట్ చేశారు.సినిమా మొత్తంలో చిరంజీవిని చూపించాల్సినదాని కంటే ఎక్కువ చూపించేశారని తెలిపారు. దాంతో మిగతా పాత్రలకు స్కోప్ లేదని అన్నారు. లక్షలాది మందికి నచ్చిన ఈ సినిమాపై నోటికొచ్చిన కామెంట్స్ చేస్తే చిరు ఫ్యాన్స్ ఊరుకుంటారా? సుచరితను సోషల్ మీడియాలో ఏకిపారేశారు. సుచరిత మాటలు ఎవ్వరూ పట్టించుకోవద్దని నెటిజన్లను కోరారు. తనపై కామెంట్స్ చేస్తున్నవారిపై సుచరిత స్పందిస్తూ.. ‘చిరంజీవి అభిమానులు నా రివ్యూను యూట్యూబ్‌లో చూసి నోటికొచ్చిన కామెంట్స్ చేస్తున్నారు. పైగా నా రివ్యూ గూగుల్ సెర్చ్‌లో హై ర్యాంకింగ్స్‌లో ఉందని వారు అప్‌సెట్ అవుతున్నారు’ అని పేర్కొన్నారు. సుచరిత ఇక్కడితో ఆగకుండా సైరా పోస్టర్‌లో గుర్రంపై చిరంజీవి ఫొటో బదులు తన ఫొటోను మార్ఫ్ చేసి పోస్ట్ చేశారు. పైగా ఆమెకు ట్విటర్‌లో వెరిఫైడ్ అకౌంట్ ఉండటం గమనార్హం. సుచరితలాగే బాలీవుడ్‌లో కమల్ ఆర్ ఖాన్ అని మరో క్రిటిక్ ఉన్నాడు.అతను కూడా తెలుగు, హిందీ సినిమాలపై నోటికొచ్చిన రివ్యూలు ఇస్తుంటాడు. ఇలాంటి వారు ఇచ్చే రివ్యూల వల్లే ఫ్యాన్స్ మధ్య గొడవలు తలెత్తుతున్నాయి. ఒక సినిమాపై కామెంట్ చేసే హక్కు అందరికీ ఉంటుంది. కానీ పోస్టర్లపై తమ ఫొటోలను మార్ఫ్ చేసేసి రివ్యూలు ఇచ్చేవారి సోషల్ మీడియా ఎకౌంట్స్‌కు వెరిఫైడ్ ట్యాగ్ ఇవ్వకూడదు. అలా చేస్తే ఇలాంటివారు మరింత రెచ్చిపోయారు. తెలుగు రాష్ట్రాల్లో సైరా కలెక్షన్లు సునామీ సృష్టిస్తున్నాయి. కేవలం రెండు రోజుల్లో ఆంధ్రప్రదేశ్, తెలంగాణ రాష్ట్రాల్లో దాదాపు రూ.50 కోట్లు (షేర్) వసూలు చేసింది.