హెచ్‌డీఎఫ్‌సీ బ్యాంక్ అలెర్ట్...పాస్‌బుక్ ఫోటో వైరల్!

Written by : smtv Desk | Fri, Oct 18, 2019, 12:19 PM

హెచ్‌డీఎఫ్‌సీ బ్యాంక్ పాస్‌బుక్ ఫోటో నెట్టింట్లో వైరల్ అవుతోంది. పాస్‌బుక్‌‌పై డిపాజిట్ ఇన్సూరెన్స్ కవర్ స్టంప్ చేసి ఉండటం ఇందుకు ప్రధాన కారణం. బ్యాంక్ ఎందుకు స్టాంప్ వేసిందో తెలియకపోవడంతో డిపాజిటర్లలోనూ కొంత గందరగోళం నెలకొంది. పీఎంసీ బ్యాంక్ గడ్డు పరిస్థితులు ఎదుర్కొంటున్న తరునంలో ఈ పాస్‌బుక్ సోషల్ మీడియాలో వైరల్ అవుతుండగం గమనార్హం.ఈ నేపథ్యంలోనే హెచ్‌డీఎఫ్‌సీ బ్యాంక్ స్పందించింది. పాస్‌బుక్ ఫోటో‌పై స్పష్టతనిచ్చింది. రిజర్వు బ్యాంక్ ఆఫ్ ఇండియా (ఆర్‌బీఐ) నిబంధనలకు అనుగుణంగానే పాస్‌బుక్‌పై స్టాంప్ చేశామని తెలియజేసింది. ఆర్‌బీఐ మార్గదర్శకాలను పాటిస్తున్నామని, అంతకుమించి ఇంకేం లేదని స్పష్టం చేసింది.ప్రింటెడ్ ఇన్ఫర్మేషన్ లేని పాస్‌బుక్స్‌పై స్టాంప్ వేయడం ఆర్‌బీఐ మార్గదర్శకాలకు అనుగుణంగానే ఉందని హెచ్‌డీఎఫ్‌సీ బ్యాంక్ తెలిపింది. ఆర్‌బీఐ మార్గదర్శకాల ప్రకారం.. డిపాజిట్ ఇన్సూరెన్స్ అండ్ క్రెడిట్ గ్యారంటీ కార్పొరేషన్ (డీఐసీజీసీ) పరిధిలోని బ్యాంకులు.. బ్యాంక్ డిపాజిట్లకు డీఐసీజీసీ గ్యారంటీ ఉంటుందనే విషయాన్ని పాస్‌బుక్‌లో తెలియజేయాలి.బ్యాంక్ లైసెన్స్ రద్దు అయినప్పుడు, బ్యాంక్ దివాలా తీసినప్పుడు బ్యాంక్‌లోని డిపాజిట్లకు రూ.లక్ష వరకు ఇన్సూరెన్స్ లభిస్తుంది. డీఐసీజీసీ పరిధిలోకి అన్ని వాణిజ్య బ్యాంకులు వస్తాయి. భారత్‌లో కార్యకలాపాలు నిర్వహిస్తున్న విదేశీ బ్యాంకులు, ప్రాంతీయ బ్యాంకులు కూడా ఇందుకు మినహాయింపేమీ కాదు.