పీపీఎప్ అకౌంట్‌తో అధిక రాబడి!

Written by : smtv Desk | Fri, Oct 18, 2019, 12:58 PM

ఈపీఎఫ్‌వో అకౌంట్‌తో పీపీఎప్ ఖాతా కంటే అధిక రాబడి పొందొచ్చు. ఈపీఎఫ్ లేదా ఎంప్లాయీస్ ప్రావిడెంట్ ఫండ్ అకౌంట్‌లోకి ఉద్యోగి వేతనం నుంచి ప్రతి నెలా కొతం మొత్తం జమవుతూ వస్తుంది. అంతేకాకుండా కంపెనీ కూడా ఉద్యోగి కంట్రిబ్యూషన్‌కు సమానమైన మొత్తాన్ని అదే ఖాతాలో క్రెడిట్ చేస్తూ వస్తుంది.ఈపీఎఫ్ కంట్రిబ్యూషన్‌ను పెంచుకునేందుకు ఒక మార్గం అందుబాటులో ఉంది. ఉద్యోగి వాలంటరీ ప్రావిడెంట్ ఫండ్ లేదా వీపీఎఫ్ ఆప్షన్‌ను ఎంచుకోవచ్చు. ఇందులో ఇన్వెస్ట్ చేయడం వల్ల అదనంగా 0.75 శాతం వడ్డీ పొందొచ్చు. ఇది చూడటానికి చిన్న నెంబర్‌లా కనిపించొచ్చు కానీ.. దీర్ఘకాలంలో మాత్రం ఎక్కువ రాబడి లభిస్తుంది. రాబడి పరంగా చూస్తే పీపీఎఫ్‌ను ఈపీఎఫ్ చాలా సందర్భాల్లో బీట్ చేసింది.పీపీఎఫ్ (పబ్లిక్ ప్రావిడెంట్ ఫండ్) కాకుండా వీపీఎఫ్ ఆప్షన్ ఎంచుకుంటే వివిధ ప్రయోజనాలు లభిస్తాయని ట్రాన్సెండ్ కన్సల్టెంట్స్ వెల్త్ మేనేజ్‌మెంట్ మేనేజర్ కార్తీక్ ఝవేరీ తెలిపారు. పన్ను మినహాయింపు పొందటానికి చాలా మంది పీపీఎఫ్‌లో ఇన్వెస్ట్ చేస్తూ ఉంటారని పేర్కొన్నారు. ఇందులో ఇన్వెస్ట్ చేయడం వల్ల 7.9 శాతం వడ్డీ కూడా లభిస్తుందన్నారు. అయితే ఈపీఎఫ్‌ మాదిరిగా వీపీఎఫ్ కూడా ఒక అందుబాటులో ఉందని గుర్తు చేశారు. దీని ద్వారా ఈపీఎఫ్ కంట్రిబ్యూషన్ పెంచుకోవచ్చని తెలిపారు.వీపీఎఫ్‌లో ఇన్వెస్ట్ చేయడం వల్ల 8.65 శాతం వడ్డీ రేటు పొందొచ్చని, అలాగే ఆదాయపు పన్ను చట్టంలోని సెక్షన్ 80సీ కింద పన్ను ప్రయోజనాలు కూడా లభిస్తాయని ఆయన తెలిపారు. ఇక్కడ పీపీఎఫ్ ఖాతాపై కన్నా వీపీఎఫ్‌లోనే ఎక్కువ వడ్డీ లభిస్తోంది.రిటైర్మెంట్ ఫండ్‌ కోసం వీపీఎఫ్ మంచి ఆప్షన్‌‌గా చెప్పుకోవచ్చు. ఉదాహరణకు మీరు వీపీఎఫ్ అకౌంట్‌లో నెలకు రూ.2,000 (రోజుకు రూ.66.66) డిపాజిట్ చేస్తూ వస్తున్నారు. ఇలా మీరు 25 ఏళ్ల పాటు (35 ఏళ్ల నుంచి కంట్రిబ్యూషన్ ప్రారంభిస్తే) కంట్రిబ్యూట్ చేస్తూనే వచ్చారనుకోండి. అప్పుడు ఈపీఎఫ్ క్యాలిక్యులేటర్ ప్రకారం చూస్తే.. వీపీఎఫ్ వల్ల మీ ఈపీఎఫ్ బ్యాలెన్స్ రూ.1.19 కోట్లు అవుతుంది. ఇక్కడ వార్షిక టాప్ అప్ 10 శాతంగా పరిగణలోకి తీసుకున్నాం.