క్లాస్ లోకి గన్ తో వెళ్ళిన విద్యార్థి...విద్యార్థుల ప్రాణాలు కాపాడిన కోచ్

     Written by : smtv Desk | Sun, Oct 20, 2019, 07:06 PM

క్లాస్ లోకి గన్ తో వెళ్ళిన విద్యార్థి...విద్యార్థుల ప్రాణాలు కాపాడిన కోచ్

ఓ విద్యార్థి ఉన్మాదిగా మారి గన్ పట్టుకుని ఆగ్రహంతో తరగతి గదిలోకి ప్రవేశించాడు. ఈ సమాచారం తెలియగానే ఆ స్కూల్‌లోని ఫుట్‌బాల్ కోచ్ పరుగు పరుగున అక్కడికి చేరుకున్నాడు. తన ప్రాణాలకు తెగించి.. ఆ విద్యార్థిని కౌగిలించుకున్నాడు. అనంతరం అతడి నుంచి గన్ లాక్కుని క్లాస్‌‌రూమ్‌లో విద్యార్థులను రక్షించాడు. ఈ ఘటన పూర్తీ వివరాల ప్రకారం....పార్క్‌రోజ్ హైస్కూల్‌లో చదువుతున్న గ్రాండాస్ డియాజ్(19) మే 17న గన్‌తో క్లాస్ రూమ్‌లోకి ప్రవేశించాడు. దీంతో ఫుట్‌బాల్ కోచ్ కీనాన్ లోవే అతడిని కౌగిలించుకున్నాడు. అతడి చేతిలో గన్ లాక్కున్నాడు. అనంతరం ఆ గన్‌ను టీచర్‌కు ఇచ్చి దూరంగా తీసుకెళ్లమన్నాడు. ఈ ఘటనకు సంబంధించిన వీడియో ఆదివారం (అక్టోబరు 20న) బయటకు వచ్చింది. దీంతో ఆ ఫుట్‌బాల్ కోచ్‌ను అంతా హీరోగా అభివర్ణిస్తున్నారు. కీనాన్ తన ప్రాణాలను లెక్క చేయకుండా గన్‌తో వచ్చిన విద్యార్థిని అడ్డుకోవడం నిజంగా సాహసమేనని ప్రశంసిస్తున్నారు. గ్రాండాస్‌కు కోర్టు మూడేళ్లు జైలు శిక్ష విధించింది. మానసిక ఆందోళలన నుంచి బయటపడేందుకు చికిత్స అందించాలని పేర్కొంది. అయితే, ఆ విద్యార్థి ఈ దురాగతానికి ఎందుకు ప్రయత్నించాడనేది తెలియరాలేదు. అయితే, తాను ఇతరుల ప్రాణాలు తీయడానికి వెళ్లలేదని, క్లాస్ రూమ్‌లో తనని తాను కాల్చుకుని ఆత్మహత్య చేసుకోడానికి వెళ్లానని గ్రాండాస్ తెలిపాడు.





Untitled Document
Advertisements