మిమ్మల్ని నమ్ముకొని ఇండస్ట్రీకి రాలేదు: అలీ

క్రిటిక్స్‌పై కమెడియన్ అలీ మండిపడ్డారు. ఓంకార్ దర్శకత్వం వచ్చిన ‘రాజుగారి గది 3’ మూవీ సక్సెస్ మీట్‌ను హైదరాబాద్‌లో నిర్వహించగా.. ఈ చిత్రంలో కీలకపాత్రలో నటించిన అలీ.. నెగిటివ్ ప్రచారం చేస్తున్నవారిపై ఫైర్ అయ్యారు. ఆయన మాట్లాడుతూ.. ‘ఈ వేదిక మీద ముగ్గురు అన్నదమ్ముల్ని చూశాం. ‘రాజుగారి గది 3’ చూశాం. నెక్స్ట్ 4 కూడా చూస్తాం. నేను తమ్ముడ్ని కాలేను. అన్నను అవుతా. ఈ సినిమాకి పడ్డ కష్టమే ఈ సక్సెస్ మీట్. నేను థియేటర్స్ వెళ్లి సినిమా చూసి చాలా రోజులైంది. ఈ సినిమా ఫ్యామిలీతో కలిసి చూడాలనుకున్నా. నేను నటించానని కాదు కాని కుకట్ పపల్లి బ్రమరాంభ థియేటర్‌కి వెళ్లి సినిమా చూశాం. సినిమా చూస్తే అక్కడే చూడాలనిపించింది. వాళ్లు కల్మషం లేకుండా డబ్బులు పెట్టి చూస్తారు.కాని ప్రివ్యూ షో చూస్తుంటే మన సొమ్ము ఎవడో అవతల వాడు లాగేసుకుంటున్నాడేమో. అందుకే నవ్వరేమో. ఒక వేళ నవ్వాలని మనసులో ఉన్నా బుగ్గలు బిగించి ఉంచుతారే తప్ప నవ్వడం లేదు. అందుకే నేను ఇకపై ప్రివ్యూ షోలు చూడటం మానేస్తున్నా. ఇండస్ట్రీలో పెద్ద హీరో, చిన్న హీరో అని ఉండదు. ఎవర్నైనా కళామ్మతల్లి బిడ్డలాగే చూసుకుంటుంది. తల్లికి పెద్దకొడుకుకైనా చిన్నకొడుకైనా సమానమే.అయితే కొంతమంది పనికట్టుకుని సినిమా బాలేదు.. పెద్దగా ఏం లేదు. మేం ఏదో అనుకున్నాం.. ఏదో ఉంది.. అసలు మీరెవరు సినిమా బాలేదని చెప్పడానికి? కౌన్ కిస్కా గొట్టం గాళ్లు. చెప్పాల్సింది ప్రేక్షకదేవుళ్లు. వాళ్లు ఎక్కడకు తీసుకుని వెళ్లి ఎక్కడ పెట్టాలి? ఎక్కడికి తీసుకువెళ్లకూడదనేది డిసైడ్ చేసేది వాళ్లు. మేం వాళ్లను నమ్ముకుని మేం బతుకుతున్నాం. ఎవరైతే కామెంట్స్ చేస్తున్నారో.. వాళ్లని నమ్ముకుని మేం ఇండస్ట్రీకి రాలేదు. సినిమాపై ఒక రాయి వేసేస్తే మేం తోపులం అని ఫీల్ అవుతారు. మీఅంత మూర్ఖులు ఇంకెవరూ ఉండరని నేను అనుకుంటున్నా. ఆ విషయంలో ఈ ‘రాజుగారి గది 3’ సమాధానం చెప్పింది. ఈ సినిమా దర్శకుడు ఓంకార్, అశ్విన్‌లు వీటిని పెద్దగా పట్టించుకోకండి. ఈ సినిమాకే కాదు.. చాలా సినిమాలకు ఇలాగే అయ్యింది. వాళ్లల్లో నేనూ ఒక్కడినే అని నువ్ అనుకో అంతే. ఈ సినిమాకి కష్టపడ్డారు కాబట్టే ప్రేక్షకులు సక్సెస్ ఇచ్చారు’ అంటూ రాజుగారి గది 3 సినిమాపై నెగిటివ్ కామెంట్స్ చేస్తున్న వారిపై నోరు పారేసుకున్నారు అలీ.