దీపావళికి బంగారంపై బంపర్ ఆఫర్!

Written by : smtv Desk | Tue, Oct 22, 2019, 07:56 PM

దీపావళికి బంగారం కొనాలని చూస్తున్నారా? అయితే మీ కోసం ఒక బంపర్ ఆఫర్ అందుబాటులో ఉంది. ప్రముఖ ఇ-వాలెట్ సంస్థ మొబిక్విక్ తాజాగా దేశీ ప్రముఖ డిజిటల్ గోల్డ్ ప్లాట్‌పామ్ సేఫ్‌గోల్డ్ సంస్థతో జతకట్టింది. ఇందులో భాగంగా కస్టమర్లకు మెగా ఎక్స్చేంజ్ వన్ గెట్ వన్ ఆఫర్ ప్రకటించింది. ఇది పరిమిత కాల ఆఫర్. అక్టోబర్ 23 నుంచి 28 వరకు మాత్రమే అందుబాటులో ఉంటుంది. కస్టమర్లు ఆఫర్‌లో భాగంగా జువెలరీ కోసం 1 గ్రాము డిజిటల్ గోల్డ్‌ను మార్చుకుంటే.. వారికి 1 గ్రాము డిజిటల్ గోల్డ్ రిటర్న్ వస్తుంది. ఇది సేఫ్‌గోల్డ్ అకౌంట్‌లో జమవుతుంది. ఆండ్రాయిడ్, ఐఓఎస్ యూజర్లకు ఈ ఆఫర్ వర్తిస్తుంది. బంగారం కొనుగోలుకు భారతీయులు ఎప్పుడూ మక్కువ చూపుతూనే ఉంటారని మొబిక్విక్ కోఫౌండర్ ఉపాసన టకు తెలిపారు. మరీప్రత్యేకించి పండుగ రోజుల్లో బంగారం డిమాండ్ ఎక్కువగా ఉంటుందని పేర్కొన్నారు. గతంలో డిజిటల్ గోల్డ్ సర్వీసులు లాంచ్ చేశామని గుర్తు చేశారు. ఇందులో రూ.1కే కూడా బంగారం కొనొచ్చని తెలిపారు. ఇప్పుడు దీపావళి, ధంతేరాస్ సందర్భంగా ఈ కొత్త ఆఫర్ ఆవిష్కరించామన తెలిపారు. ఇకపోతే మొబిక్విక్ యాప్ ద్వారా 99.5 ప్యూరిటీ,24 క్యారెట్ల బంగారాన్ని కొనుగోలు చేయవచ్చు. లేదా విక్రయించొచ్చు. ఇక్కడ రూపాయికి కూడా బంగారం కొనొచ్చు. అలాగే డిజిటల్ గోల్డ్‌ను నాణేల రూపంలోకి మార్చుకోవచ్చు. యాప్ ద్వారా బంగారం కొనుగోలు చేసిన తర్వాత అది మొబిక్విక్ గోల్డ్ అకౌంట్‌కు వచ్చి యాడ్ అవుతుంది. మొబిక్విక్ వాలెట్ లేదా బ్యాంక్ అకౌంట్ ద్వారా బంగారం కొనుగోలు చేయవచ్చు. ఇలా కొనుగోలు చేసిన బంగారాన్ని మళ్లీ ఫిజికల్ గోల్డ్ రూపంలోకి మార్చుకోవచ్చు. ఇంటికి డెలివరీ చేసుకోవచ్చు.