అవికా గౌర్‌కు ఎదురైన చేదు అనుభవం!!

     Written by : smtv Desk | Wed, Oct 23, 2019, 01:57 PM

అవికా గౌర్‌కు ఎదురైన చేదు అనుభవం!!

సాధారణంగా సినిమా హీరోయిన్లు ఎల్లప్పుడూ గ్లామరస్‌గా కనిపించేందుకే ఇష్టపడతారు. సినిమాల్లోనే కాదు.. బయట కనిపించే ఫంక్షన్లలోనూ గ్లామర్ విందు చేస్తుంటారు. ప్రేక్షకులు కూడా హీరోయిన్లను అలా చూసేందుకే ఇష్టపడుతుంటారు. అయితే అవికా గౌర్‌కు మాత్రం ఓసారి భిన్నమైన అనుభవం ఎదురైందట. ఓ ఫంక్షన్‌కు పొట్టి బట్టలు వేసుకుని హాజరైనందుకు ట్రోలింగ్ ఎదురైందట.

"గతంలో ఒక ఈవెంట్‌కు స్కర్ట్ వేసుకుని వెళ్లా. చాలా మంది ఆశ్చర్యపోయారు. ఎందుకలా ఎక్స్‌పోజింగ్ చేస్తున్నావ్ అని కొందరు ట్రోలింగ్ చేశారు. స్కర్ట్ వేసుకున్నందుకే అలా ఎందుకు తిడుతున్నారు అనిపించింది. ఆ తర్వాత అర్థమైంది.. ప్రేక్షకులు నన్నెప్పుడూ అలా చూడలేదు. అందుకనే అంతలా రియాక్ట్ అయ్యారని అనిపించింద"ని అవికా చెప్పింది. అలాగే ఇకపై కథలో భాగంగా గ్లామరస్‌గా కనిపించేందుకు సిద్ధమేనని, సన్నివేశాన్ని బట్టి అందాల విందు చేస్తానని చెప్పింది.





Untitled Document
Advertisements