తెలంగాణ స్టేట్ సదరన్ పవర్ డిస్ట్రిబ్యూషన్ కంపెనీ లిమిటెడ్లో జూనియర్ అసిస్టెంట్ కమ్ కంప్యూటర్ ఆపరేటర్ (JACO) పోస్టుల భర్తీకి నోటిఫికేషన్ విడుదలైన సంగతి తెలిసిందే. నవంబర్ 20 న దరఖాస్తు గడువు ముగియనుంది. ఇప్పటివరకు దరఖాస్తు చేసుకోని అభ్యర్థులు ఈ అవకాశాన్ని వినియోగించుకోవచ్చు. అభ్యర్థులు నిర్ణీత మొత్తంలో దరఖాస్తు ఫీజు చెల్లించి దరఖాస్తు చేసుకోవచ్చు. ఏదైానా డిగ్రీ అర్హత ఉన్నవారు ఈ పోస్టులకు దరఖాస్తు చేసుకోవడానికి అర్హులు. సరైన అర్హతలు ఉన్నవారు ఆన్లైన్ ద్వారా దరఖాస్తు చేసుకోవాల్సి ఉంటుంది. అభ్యర్థులు దరఖాస్తు ఫీజుగా రూ.100, పరీక్ష ఫీజుగా రూ.120 చెల్లించాలి. ఎస్సీ, ఎస్టీ, బీసీ, ఎక్స్-సర్వీస్మెన్ అభ్యర్థులకు పరీక్ష ఫీజు నుంచి మినహాయింపు ఉంది. రాతపరీక్ష ద్వారా అభ్యర్థులను ఎంపికచేస్తారు. TSSPDCLలో మొత్తం 500 జూనియర్ అసిస్టెంట్ కమ్ కంప్యూటర్ ఆపరేటర్ పోస్టుల భర్తీకి అక్టోబరు 16న నోటిఫికేషన్ వెలువడిన సంగతి తెలిసిందే. 2019 జులై 1 నాటికి 18 - 34 సంవత్సరాల మధ్య వయసు ఉన్నవారు ఈ పోస్టులకు దరఖాస్తు చేసుకోవడానికి అర్హులు. నిబంధనల ప్రకారం వయోపరిమితిలో సడలింపులు వర్తిస్తాయి. ఎక్స్సర్వీస్ మెన్ అభ్యర్థులకు వయోపరిమితిలో మూడు సంవత్సరలపాటు సడలింపును కల్పించారు. వీరికి ఫీజు నుంచి మినహాయింపు ఉంది. ఈ మేరకు TSSPDCL సవరణ నోటిఫికేషన్ను విడుదల చేసింది. మొత్తం ఉద్యోగాల్లో వీరికి 2 శాతం రిజర్వేషన్ కూడా కేటాయించారు.
పరీక్ష విధానం ఇలా..
➦ మొత్తం 130 మార్కులకు పరీక్షలు నిర్వహిస్తారు. ఇందులో 80 మార్కులకు రాతపరీక్ష, 50 మార్కులకు ప్రాక్టికల్ పరీక్ష ఉంటుంది.
➦ రాతపరీక్షలో మొత్తం మూడు విభాగాలు ఉంటాయి. వీటి నుంచి 80 ప్రశ్నలు అడుగుతారు. ఒక్కో ప్రశ్నకు ఒకమార్కు.
➦ రాతపరీక్షలో న్యూమరికల్ ఎబిలిటీ అండ్ లాజికల్ రీజనింగ్ నుంచి 40 ప్రశ్నలు-40 మార్కులు, కంప్యూటర్ అవేర్నెస్ నుంచి 20
ప్రశ్నలు -20 మార్కులు, ఇంగ్లిష్ లాంగ్వేజ్ ప్రొఫీషియన్సీ అండ్ జనరల్ నాలెడ్జ్ నుంచి 20 ప్రశ్నలు - 20 మార్కులు ఉంటాయి.
➦ పరీక్ష సమయం 120 నిమిషాలు.
➦ ఇక 50 మార్కులకు ప్రాక్టికల్ పరీక్ష నిర్వహిస్తారు. ప్రాక్లికల్ పరీక్షలో ఆఫీస్ ఆటోమేషన్ ప్రొఫీషియన్సీ, కంప్యూటర్ సాఫ్ట్వేర్ సంబంధిత అంశాలు ఉంటాయి. పరీక్ష సమయం 30 నిమిషాలు.
ముఖ్యమైన తేదీలు..
➦ ఫీజు చెల్లింపు ప్రక్రియ ప్రారంభం: 30.10.2019
➦ ఆన్లైన్ దరఖాస్తు ప్రక్రియ ప్రారంభం: 31.10.2019
➦ ఆన్లైన్లో ఫీజు చెల్లించడానికి చివరితేది: 20.11.2019 (సా.5.00 గం.)
➦ ఆన్లైన్ దరఖాస్తుకు చివరితేది: 20.11.2019 (రా.11.59 గం.)
➦ హాల్టికెట్ డౌన్లోడ్: 11.12.2019
➦ పరీక్ష తేది: 22.12.2019