‘రొమాంటిక్’లో శివగామి స్టైలిష్ లుక్‌

Written by : smtv Desk | Sun, Nov 17, 2019, 10:28 PM

డాషింగ్ డైరెక్టర్ పూరి జగన్నాథ్‌ కుమారుడు ఆకాశ్‌ పూరి హీరోగా తెరకెక్కుతున్న ‘రొమాంటిక్‌’ చిత్రంలో శివగామి రమ్యకృష్ణ ఓ కీలక పాత్రలో నటిస్తున్న సంగతి తెలిసిందే. అనిల్‌ పాడూరి ఈ సినిమాకు దర్శకత్వం వహిస్తున్నారు. ఆకాశ్‌కు జంటగా హాట్ బ్యూటీ కేతికాశర్మ నటిస్తున్నారు. ఈ సినిమా షూటింగ్‌ గోవాలో జరుగుతోంది. ఈ షెడ్యూల్‌లో రమ్యకృష్ణ కూడా పాల్గొంటున్నారు. ఈ విషయాన్ని ఆమెనే స్వయంగా ట్విట్టర్ ద్వారా వెల్లడించారు. అందేకాదు, సెట్‌లో ఛార్మితో కలిసి దిగిన ఫొటోను ట్వీట్‌లో పొందుపరిచారు.‘‘గోవాలో జరుగుతున్న ‘రొమాంటిక్‌’ షూటింగ్‌లో పాల్గొనడం చాలా బాగుంది. సినిమాకు కచ్చితంగా మంచి క్రేజ్ వస్తుంది. ముఖ్యంగా యూత్‌‌కు బాగా నచ్చుతుంది. వేసవిలో సినిమా విడుదలవుతుంది. ఆకాశ్‌ పూరి, కేతికాశర్మ జంట అదరగొడుతుంది. అనిల్‌ పాడూరి ఈ చిత్రాన్ని బాగా తెరకెక్కిస్తున్నారు. పూరి జగన్నాథ్‌, నా రాక్షసి ఛార్మితో కలిసి పనిచేయడం చాలా సంతోషంగా ఉంది’’ అని రమ్యకృష్ణ ట్వీట్‌లో పేర్కొన్నారు. ఇదిలా ఉంటే, రమ్యకృష్ణ ట్వీట్‌‌కు ఛార్మి స్పందించారు. ‘‘మీరు మన ‘రొమాంటిక్‌’ చిత్రానికి మరింత అందాన్ని తీసుకువచ్చారు. సినిమాలో అయినా బయట అయినా మీరంటే నాకెంతో ఇష్టం’’ అని ట్వీట్‌లో పేర్కొన్నారు ఛార్మి. కాగా, ఆకాశ్ పూరి హీరోగా నటిస్తోన్న రెండో చిత్రం ‘రొమాంటిక్’. కేతికా శర్మ హీరోయిన్. అనిల్ పాదురి దర్శకత్వం వహిస్తున్నారు. లావణ్య సమర్పణలో పూరి జగన్నాథ్ టూరింగ్ టాకీస్, పూరి కనెక్ట్స్ బ్యానర్లపై పూరి జగన్నాథ్, ఛార్మి ఈ చిత్రాన్ని నిర్మిస్తున్నారు.