సిగరెట్ అలవాటు మానేయాలనుకుంటే ఇలా చెయ్యండి!

సిగరెట్ బాగా అలవాటు అయిన వారికి మానెయ్యడం కష్టం..అప్పటికి మానెయ్యాలని చాలా ప్రయత్నాలు చేస్తారు. కానీ, అది కుదరని పని.. దీని కోసం కొన్ని చిట్కాలు ఎఫెక్టివ్‌గా పనిచేస్తాయి.. అవేంటో తెలుసుకోండి..పొగతాగడం, పీల్చడం వల్ల ఎన్నో ఆరోగ్య సమస్యలు వస్తాయి. క్యాన్సర్, ఊపిరితిత్తుల క్యాన్సర్, గుండెజబ్బులు ఇలా చెప్పుకుంటూ పోతే ఎన్నో ఉన్నాయి. పొగ ప్రభావం మెల్లిగా శరీరంలోకి చేరి ఒక్కో అవయవాన్ని దెబ్బతీస్తుంటుంది. దీని వల్ల లేనిపోని సమస్యలు వస్తాయి. పొగ పీల్చడమే కాదు.. పీల్చిన వారికి దగ్గరగా ఉన్నా ఆ ప్రభావం ఉంటుందంటే చూడండి.. ఈ అలవాటు ఎంత ప్రమాదకరమో అర్థం చేసుకోవచ్చు..

*​డ్రైఫ్రూట్స్‌‌తో సమస్య దూరం..:

ఇక పొగ తాగే అలవాటుకి దూరమవ్వాలంటే కొన్ని చిట్కాలు పాటించాలి.. అందులో ముఖ్యంగా కొన్ని ఆహార పదార్థాలను తినడం అలవాటు చేసుకోవాలి. డ్రైఫ్రూట్స్, చిప్స్, పచ్చళ్లు తినాలి.. వీటన్నింటికీ పొగ తాగాలనే కోరికను తగ్గించే గుణం ఉంటుంది. కాబట్టి వీటిని రెగ్యులర్‌గా తింటూ ఉండాలి. ఇలా తింటుంటే సమస్య చాలా వరకూ తగ్గి పోతుంది.

*​నిమ్మరసం కూడా పనిచేస్తుంది..:

అదే విధంగా.. ఉదయం లేవగానే 2 గ్లాసుల వేడి నీటిలో నిమ్మరసం పిండుకుని తాగాలి.. ఇందులో తేనె కూడా వేసుకుని తాగొచ్చు. ఇలా చేయడం వల్ల సమస్య తగ్గుతుంది. రోజూ ఉదయం ఈ నీటిని తాగితే బరువు తగ్గేందుకు కూడా ఉపయోగపడుతుంది.

*​అల్లంతో చెక్..:

అల్లం, కరక్కాయలను బాగా నలగ్గొట్టి దాన్ని ఎండబెట్టాలి. దీనిలో నిమ్మకాయ పిండి, ఉప్పు వేసి ఓ డబ్బాలో వేసి నిల్వ చేయండి. ఈ మిశ్రమాన్ని ఎప్పుడూ కూడా మీకు సిగరెట్ తాగాలని అనిపించినప్పుడు ఆ పొడిని తీసుకుంటూ ఉండాలి. వీటితో పాటు నారింజ, బత్తాయి, ద్రాక్ష పండ్లు తినడం.. ఆ జ్యూస్‌లు తాగడం వల్ల సమస్య చాలా వరకూ దూరం అవుతుంది. సిట్రస్ ఫ్రూట్స్‌ని తీసుకోవడం వల్ల సమస్య తగ్గుతుంది.

*​సెల్ఫ్ కంట్రోల్ ముఖ్యమే..:

చిట్కాలే కాకుండా.. మానసికంగా దృఢంగా ఉండడం కూడా అలవాటు చేసుకోవాలి. ఉదాహారణకు ఎప్పుడైనా సిగరెట్ తాగాలని అనిపించినా.. ఆ సమయంలో ఎవరికీ వారు నేను సిగరెట్ తాగకూడదు.. తాగకూడదు.. అన మనసులో దృఢంగా అనుకోవాలి. సెల్ఫ్ కంట్రోల్ అనేది చాలా ముఖ్యం. ఇలా ఎవరికీ వారే కంట్రోల్ చేసుకోవడం చాలా ముఖ్యం. ఆ సమయంలో వేరే పనిపై మనస్సుని మళ్లించడం చేయండి. ఇలా చేస్తుంటే ఆ అలవాటుకి మెల్లిగా దూరం కావొచ్చు.

​*మీకు మీరుగా ఆలోచించాలి..:

సిగరెట్ తాగాలని ఎప్పుడూ అనిపించినా.. ప్రశాంతంగా కూచుని, దీర్ఘంగా శ్వాస తీసుకోవాలి. నీటిని ఎక్కువగా తాగాలి. అలా చేయడం వల్ల మీ ఆలోచన తగ్గుతుంది. కాబట్టి ఈ విషయాన్ని ఎప్పుడూ గుర్తుపెట్టుకోవాలి. ముఖ్యంగా సిరగెట్ తాగాలనుకున్నప్పుడు ఏదైనా పార్టీలు, ఫంక్షన్లకి వెళ్లినప్పుడు అక్కడ ఫ్రెండ్స్, ఇతరులు సిగరెట్ తాగుతున్నారని మీరు తాగడం, లేదా.. వారు బలవంత పెట్టారని పొగతాగడం చేయొద్దు.. ఇలా చేయడం వల్ల మీ అనారోగ్యాన్ని మీరే కొని తెచ్చుకున్నట్టు.. కాబట్టి ఇలాంటి విషయాల్లో జాగ్రత్త అవసరం.

​*ప్రత్యామ్నాయాలు ముఖ్యమే..:

సిగరెట్లు ఎక్కువగా తాగేవారు ఒకేసారిగా సమస్యను దూరం చేసుకోవడం కాస్తా కష్టమే. మరీ ఎక్కువగా తాగకుండా.. రోజుకి మెల్లిగా మానుకోవడం చేస్తుండాలి. ఉదాహారణకి రోజుకి ఓ 5 సిగరెట్లు తాగుతుంటే.. ఆ సంఖ్యని మెల్లిగా 3, 2, 1 ఇలా తగ్గించుకుంటూ పోవాలి. ఇలా చేయడం వల్ల మెల్లిమెల్లిగా ఆ సమస్య దూరం అవుతుంది. సిగరెట్స్‌లో ఎక్కువగా నికోటిన్ ఉంటుంది. కాబట్టి వీటికి ప్రత్యామ్నాయంగా ఉండే ఉత్పత్తులను తీసుకోవడం మంచిది. అదే విధంగా సిగరెట్ మానేయ్యాలనుకున్నప్పుడు మన సన్నిహితులు, బంధువులకి చెప్పి మానేయాలి.. ఇలా చేయడం వల్ల ఫ్యూచర్‌లో ఎప్పుడైనా మళ్లీ సిగరెట్ తాగాలనుకున్నప్పుడు వారికి భయపడి అయినా సిగరెట్‌కి దూరంగా ఉంటారు. కాబట్టి అలా చేయండి..