బాబుగారు ఆయనకు మీ ఆటోగ్రాఫ్ కావాలట

Written by : smtv Desk | Mon, Dec 09, 2019, 10:17 AM

‘అమ్మ రాజ్యంలో కడప బిడ్డలు’.. సినిమాకు సెన్సార్ బోర్డు u/a సర్టిఫికేట్ ఇచ్చి విడుదలకు గ్రీన్ సిగ్నల్ ఇచ్చేసింది. ఇక దర్శకుడు రామ్ గోపాల్ వర్మ ఆగుతారా. రోజుకో పోస్టర్, కామెంట్‌తో సినిమాను బీభత్సంగా ప్రమోట్ చేస్తున్నారు. తాజాగా ఈ సినిమాలోని ‘బాబు చంపేస్తాడు’ అనే పాటను విడుదల చేసి మరో బాంబ్ పేల్చారు వర్మ. ఈ సినిమాలోని ‘బాబు చంపేస్తాడు’ అనే పాటను వర్మను విడుదల చేశారు. సొంత పార్టీ గురించి తప్పుగా ప్రసంగిస్తున్న నారా లోకేష్ సూత్రధారి చెప్పే డైలాగులతో పాట ప్రారంభమైంది. ‘చెంప మీద కొడితే తట్టుకోగలడు.. కాళ్ల మధ్య తంతే నిలదొక్కుకోగలడు.. కానీ అహం మీద కొడితే చంపేస్తాడు’ అంటూ సాగుతున్న ఈ పాటలో ఆంధ్రప్రదేశ్ మాజీ ముఖ్యమంత్రి చంద్రబాబు నాయుడిని బాగా టార్గెట్ చేస్తూ చూపించారు. కొన్ని సీన్లలో నారా లోకేష్ పాత్రధారి బాక్సింగ్ చేస్తూ నిద్రపోతున్నట్లు ఫన్నీగా చూపించారు. ఈ పాటను విడుదల చేస్తూ చంద్రబాబు నాయుడుకు నేరుగా ట్వీట్ చేశారు వర్మ. ఇన్‌స్టాగ్రామ్, ట్విటర్‌లో ఆయన ఖాతాను ట్యాగ్ చేస్తూ.. ‘చంద్రబాబు నాయుడు గారు.. ‘అమ్మ రాజ్యంలో కడప రెడ్లు’ సినిమాలో మాజీ ముఖ్యమంత్రి పాత్రలో నటిస్తున్న ఈ వ్యక్తికి మీ ఆటోగ్రాఫ్ కావాలట. ప్లీజ్ ఒప్పుకోండి. సారీ సారీ.. ఈ నటుడికి మీతో సెల్ఫీ దిగాలని ఉందట. ప్లీజ్ ఒప్పుకోండి’ అంటూ తనదైన శైలిలో చురకలంటించారు. ఇంతకీ అతనుఎవరో కాదు.. చంద్రబాబు నాయుడు పాత్రలో నటిస్తున్న వ్యక్తే. సినిమాలను ప్రమోట్ చేయడంలో వర్మ తర్వాతే ఎవరైనా. అమ్మ రాజ్యంలో కడపరెడ్లు సినిమా డిసెంబర్ 12న విడుదల అవుతున్న సందర్భంగా ఓ ఆసక్తికరమైన ఫొటోను వర్మ ట్వీట్ చేశారు. బాహుబలి సినిమాలో ప్రభాస్ శివలింగాన్ని ఎత్తే పోస్టర్‌లో ప్రభాస్ ఫొటోకి బదులు తన ముఖాన్ని మార్ఫ్ చేశారు. అంతేకాదు దీనికి ‘బాబుబలి’ అని క్యాప్షన్ ఇచ్చారు. ఈ ట్వీట్‌ కూడా నేరుగా చంద్రబాబునాయుడునే టార్గెట్ చేసినట్లుందని పలువురు నెటిజన్లు కామెంట్లు చేశారు.