Advertisements

Untitled Document

Untitled Document

ఆవులు కూడా గుడ్లు పెడుతాయంట తెలుసా?

     Written by : smtv Desk | Mon, Dec 09, 2019, 12:34 PM

ఆవులు కూడా గుడ్లు పెడుతాయంట తెలుసా?

ఆవు గుడ్డు గురించి ఎప్పుడైనా విన్నారా? అయితే, మీరు తప్పకుండా ఈ వార్త తెలుసుకోవాల్సిందే. యూకేలో చిన్నారులపై అధ్యయనం జరిగిన సంస్థ కూడా ఇదే ఆశ్చర్యాన్ని వ్యక్తం చేస్తోంది. బ్రిటన్‌కు చెందిన ఓ చారిటీ సంస్థ ఇటీవల యూకేలో వెయ్యిమంది స్కూల్ విద్యార్థులపై సర్వే నిర్వహించింది. ఆరు నుంచి 11 ఏళ్ల వయస్సు గల విద్యార్థులను కొన్ని ప్రశ్నలు అడిగింది. వాటికి ఆ పిల్లలు చెప్పిన సమాధానం విని.. వారి తల్లిదండ్రులే కాదు, స్కూల్ టీచర్లు కూడా ఆశ్చర్యపోయారు. ఆ పిల్లలు చెప్పిన సమాధానాలు ఆధారంగా.. యూకేలో చాలామంది విద్యార్థులకు తాము తినే ఆహారం ఎక్కడ నుంచి ఉత్పత్తి అవుతుందనే సంగతే తెలియదని తేల్చేశారు. రెండేళ్ల కిందట బ్రిటీష్ న్యూట్రీషన్ ఫౌండేషన్ సంస్థ 27,500 మంది చిన్నారులపై ఓ స్టడీ నిర్వహించింది. ఇందులో అత్యధిక చిన్నారులు చీజ్ చెట్ల నుంచి వస్తుందని, టమోటాలు భూమి అడుగున పండుతాయని చెప్పారు. తాజా అధ్యయనంలోనైతే గుడ్లను ఆవులే పెడతాయని చెప్పారు. అలాగే, చేపలు ఎక్కడి నుంచి వస్తాయనే విషయాన్ని కూడా చెప్పలేకపోయారు. తమకు దొరికే ఆహారంపై పిల్లలకు తప్పకుండా అవగాహన కల్పించాలనేదే ఈ స్టడీ ముఖ్య ఉద్దేశమని ఆ సంస్థ పేర్కొంది. ఆ బాధ్యత తల్లిదండ్రులు, ఉపాధ్యాయులపైనే ఉందని తెలిపింది.





Untitled Document
Advertisements