వాట్సాప్ వినియోగదారులకు శుభవార్త...ఆ ఫీచర్ వచ్చేసింది!

     Written by : smtv Desk | Tue, Dec 10, 2019, 01:00 PM

వాట్సాప్ వినియోగదారులకు శుభవార్త...ఆ ఫీచర్ వచ్చేసింది!

వాట్సాప్ అందించే ఫీచర్ల జాబితాలో మరో ఫీచర్ చేరింది. అదే కాల్ వెయిటింగ్. దీని గురించి తెలియని వారు ఉండకపోవచ్చు. ఎందుకంటే స్మార్ట్ ఫోన్ మాత్రమే కాకుండా సాధారణ ఫీచర్ ఫోన్ ఉపయోగించే వారికి కూడా ఈ ఫీచర్ సుపరిచితమే. మనం వేరే వారితో కాల్ మాట్లాడేటప్పుడు మనకు ఎవరైనా కాల్ చేస్తే ఆ విషయం మనకు తెలుస్తుంది. విషయం తీవ్రతను బట్టి మనం ప్రస్తుతం మాట్లాడే కాల్ హోల్డ్ లో పెట్టి వారితో మాట్లాడవచ్చు. లేకపోతే మనం ప్రస్తుతం మాట్లాడే కాల్ పూర్తయ్యాక వారికి తిరిగి కాల్ చేయవచ్చు.ఇప్పుడు ఇదే ఫీచర్ ను వాట్సాప్ అందుబాటులోకి తీసుకువచ్చింది. అంటే మనం వాట్సాప్ లో ఎవరితో అయినా కాల్ మాట్లాడుతుంటే.. అదే సమయానికి మనకు వేరే వారు కాల్ చేస్తే కాల్ వెయిటింగ్ వస్తుందన్న మాట. ఈ ఫీచర్ కేవలం ఆడియో కాల్స్ కు మాత్రమే కాకుండా వీడియో కాల్స్ కు కూడా అందుబాటులో ఉంది. అంటే మీరు వేరే వారితో వీడియో కాల్ మాట్లాడేటప్పుడు మీకు మరో వీడియో కాల్ వస్తే.. ఆ కాల్ కూడా వెయిటింగ్ కు వెళ్తుందన్న మాట. ఈ ఫీచర్ ఐవోఎస్ కు ఇప్పటికే అందుబాటులోకి రాగా.. ఆండ్రాయిడ్ కు తాజా అప్ డేట్ ద్వారా వచ్చింది. అయితే.. ఇందులో కాల్ వెయిటింగ్ వచ్చింది కానీ హోల్డ్ ఆప్షన్ ను అందించలేదు. అంటే మీరు వెయిటింగ్ లో ఉన్న కాల్ మాట్లాడాలి అనుకుంటే.. ప్రస్తుతం మాట్లాడే కాల్ ను కట్ చేయాల్సిందే. లేకపోతే ఆ కాల్ ను మాట్లాడే అవకాశం లేదన్న మాట. అయితే కాల్ వెయిటింగ్ ఫీచర్ ఇప్పుడే అందుబాటులోకి వచ్చింది కాబట్టి త్వరలో హోల్డ్ ఆప్షన్ ను కూడా వాట్సాప్ అందించే అవకాశం ఉంది. ఎందుకంటే.. వాట్సాప్ ఎప్పుడు ఫీచర్లను సగంలో వదిలేయదు కదా!ఈ సంవత్సరం వాట్సాప్ ఇప్పటికే ఎన్నో ఫీచర్లను అందుబాటులోకి తీసుకువచ్చింది. వాట్సాప్ స్టేటస్ ను ఫేస్ బుక్, ఇన్ స్టాగ్రామ్ ల్లో స్టోరీగా అప్ లోడ్ చేయడం, యాప్ కు ఇన్ బిల్ట్ ఫింగర్ ప్రింట్ సెన్సార్ ను అందుబాటులోకి తీసుకురావడం వంటి ఫీచర్లు కూడా ఇందులో ఉన్నాయి. అలాగే డార్క్ థీమ్ ను ఇప్పుడు వాట్సాప్ బీటా వెర్షన్ లో పరీక్షిస్తున్నారు. కాబట్టి త్వరలో అది కూడా అందుబాటులోకి వస్తుంది. అయితే ఇంకా ఎన్నో ఫీచర్లపై వాట్సాప్ ఇంకా పని చేస్తూనే ఉంది. వాటిలో ప్రముఖమైనది వాట్సాప్ మల్టీ ప్లాట్ ఫాం సపోర్ట్. ఈ ఫీచర్ అందుబాటులోకి వస్తే.. మీరు మీ వాట్సాప్ ను ఏ డివైస్ లో అయినా ఉపయోగించవచ్చు. వచ్చే సంవత్సరం ప్రారంభంలో ఈ ఫీచర్ ప్రారంభంలోకి వచ్చే అవకాశం ఉంది.







Untitled Document
Advertisements