విరాట్ కు దినేశ్ కార్తీక్ భార్యే స్ఫూర్తి!

     Written by : smtv Desk | Tue, Dec 10, 2019, 05:50 PM

విరాట్ కు దినేశ్ కార్తీక్ భార్యే స్ఫూర్తి!

భారతదేశంలోనే కాకుండా ప్రపంచవ్యాప్తంగా ఉన్న అథ్లెట్లలో భారత కెప్టెన్ విరాట్ కోహ్లీ ఫిట్‌నెస్ ఎంతో మెరుగ్గా ఉంటుంది. ఫిట్‌గా ఉండడం కోసం తను ఎంతగానో పరితపిస్తాడు. అతను జట్టులోకి వచ్చాకే టీమిండియా ఫిట్‌నెస్ స్టాండర్డ్స్‌ను బెంచ్‌మార్కు లెవల్‌కు తీసుకెళ్లాడు. అలాంటి కోహ్లీకి ఫిట్‌నెస్ మీద మక్కువ కలిగేలా చేసింది ఎవరో కాదు. భారత క్రికెటర్ దినేశ్ కార్తీక్ భార్య దీపికా పళ్లికల్. అవును నిజమే. తనను చూసిన తర్వాతే కోహ్లీలో ఫిట్‌నెస్ కాంక్ష పెరిగిందని అంటున్నాడు భారత మాజీ ట్రైనర్ శంకర్ బసు.ఇటీవల బసు ఓ కార్యక్రమంలో మాట్లాడుతూ.. ‘గతంలో ఐపీఎల్ ప్రారంభ సమయంలో మాత్రమే ఆటగాళ్లకు ట్రైనింగ్ ఇస్తూ ఉండే వాళ్లం. ఒకసారి దీపిక ట్రైనింగ్ సెషన్ చూశాక కోహ్లీకి ఫిట్‌నెస్‌పై ఆసక్తి కలిగింది. వ్యక్తిగత క్రీడకు సంబంధించి ఉండాల్సిన ఫిట్‌నెస్ లెవల్‌ను తెలుసుకుని ఆశ్చర్యపోయాడు. మనం కూడా ఇలాగే ట్రైనింగ్ తీసుకుని ఫిట్‌గా ఎందుకు మారకూడదంటూ కోహ్లీ అభిప్రాయపడ్డాడు‘ అని బసు తెలిపాడు.కోహ్లీలో ఫిట్‌నెస్‌పై ఆసక్తి పెరిగిపోయాక ఆకాశమే హద్దుగా కష్టపడ్డాడు. ఇండివిడ్యూవల్ ఫిట్‌నెస్ విషయంలో బోల్ట్, జొకోవిచ్‌లను ఆదర్శంగా తీసుకోవాలని కోహ్లీకి తరచూ తాను చెప్పేవాడినని బసు గుర్తుచేసుకునేవాడు. అయతే మెరుగైన ఫిట్‌నెస్ ఉంటే ఆటతీరు ఇంకా బాగా వృద్ధి చెందుతుందని కోహ్లీ నమ్మేవాడు. అలా, అలా తన ఫిట్‌నెస్ లెవల్స్ పెంచుకుంటూ ప్రస్తుతమున్న స్థాయికి చేరాడని బసు వ్యాఖ్యానించాడు. కోహ్లీకి ఆదర్శంగా నిలిచిన దీపిక ప్రముఖ స్క్వాష్ ప్లేయర్. 2015లో దినేశ్‌ను ఆమె పెళ్లి చేసుకున్న సంగతి తెలిసిందే.






Untitled Document
Advertisements