విరాట్,అనుష్కల పెళ్లి రోజు...సోషల్ మీడియాలో అభినందనల వెల్లువ

Written by : smtv Desk | Wed, Dec 11, 2019, 04:08 PM

టీంఇండియా కెప్టెన్ విరాట్ కోహ్లీ, సినీ నటి అనుష్క శర్మ బుధవారంతో రెండో వివాహ వార్షికోత్సవంను పూర్తి చేసుకోబోతున్నారు. 2017 డిసెంబర్ 11న కోహ్లీ, అనుష్కల పెళ్లి జరిగిన సంగతి తెలిసిందే. ఇటలీలో డెస్టినేషన్ వెడ్డింగ్ తరహాలో జరిగిన ఈ పెళ్లి అప్పట్లో టాక్ ఆఫ్ ది టౌన్‌గా నిలిచింది. మరోవైపు అభిమానులంతా ముద్దుగా విరుష్కాగా పిలుచుకునే ఈ జంటపై సోషల్ మీడియాలో అభినందనల వెల్లువ కురుస్తోంది. పెళ్లి రోజు సందర్భంగా అత్యంత అందమైన జంట విరుష్కాకు అభినందనలు అని ఒక నెటిజన్ ట్వీట్ చేశాడు. రెండేళ్లుగా కలిసి మెలిసి ఎంతో ఉత్సాహంతో గడిపిన అనుష్క విరాట్ కోహ్లీ జంటకు శుభాకాంక్షలు అని మరో నెటిజన్ ట్వీట్ చేశారు. ఎంతోమంది సెలబ్రిటీ జంటలుండగా వారిలో విరుష్కా జంట మధ్య అన్యోన్యత తనను ఆకట్టుకుంటుందని ఒక ట్విటర్ యూజర్ ఫొటోను పోస్టు చేశాడు. పెళ్లిరోజు సందర్భంగా చాలామంది విరుష్కాల ఫొటోలు, వీడియాలతో కలిసి సోషల్ మీడియాలో పోస్టులు చేస్తున్నారు. దీంతో ట్విట్టర్‌లో ట్రెండింగ్‌గా విరుష్కాల పెళ్లిరోజు మారింది. మరోవైపు గతనెల 5న కోహ్లీ పుట్టినరోజు సందర్భంగా విరుష్కా జోడీ భూటాన్‌లో విహరించింది. అప్పుడు పోస్టు చేసిన ఫొటోలు వైరల్‌గా మారాయి. ఇక బుధవారం వెస్టిండీస్‌తో జరిగే మూడో టీ20లో భారత్ తలపడనుంది. 1-1తో సిరీస్ సమమైన వేళ ఈ మ్యాచ్‌లో నెగ్గి సిరీస్ కైవసం చేసుకోవాలని టీమిండియా పట్టుదలా ఉంది.