నెట్ ఫ్లిక్స్ బంపర్ ఆఫర్...50% డిస్కౌంట్

భారతదేశంలో పట్టు సాధించడం కోసం నెట్ ఫ్లిక్స్ ఎంతగానో కష్టపడుతోంది. ఈ సంవత్సరం జూలైలో నెలవారీ ప్లాన్లను ప్రవేశపెట్టిన అనంతరం భారతదేశంలో నెట్ ఫ్లిక్స్ సబ్ స్క్రిప్షన్లు ఒక్కసారిగా పెరిగాయి. దీంతో మార్కెట్లో మరింత షేర్ కోసం మరో ఆఫర్ ను తీసుకువచ్చింది. నెట్ ఫ్లిక్స్ ఇప్పటివరకు ప్రపంచంలో ఎక్కడా మూడు నెలలు, ఆరు నెలలు, సంవత్సరం ప్లాన్లను ప్రవేశపెట్టలేదు. కానీ మొదటిసారి మనదేశంలో ఆ తరహా ప్లాన్లను వీటిని పరీక్షించనుంది. ప్రస్తుతం నెట్ ఫ్లిక్స్ లో నాలుగు ప్లాన్లు అందుబాటులో ఉన్నాయి. ఇవన్నీ నెలవారీ ప్లాన్లే. రూ.199, రూ.499, రూ.649, రూ.799గా ఉన్న ఈ ప్లాన్ల ద్వారా వేర్వేరు లాభాలను అందించనున్నారు. రూ.199 మొబైల్ ప్లాన్ ద్వారా ఎస్ డీ క్వాలిటీలో మాత్రమే ఇందులో ఉన్న కంటెంట్ ను వీక్షించవచ్చు. అయితే ఈ కంటెంట్ ను కేవలం మొబైల్ లో మాత్రమే చూడవచ్చు. కేవలం ఒక్క డివైస్ లో మాత్రమే ఇందులో ఉన్న కంటెంట్ ను చూసే అవకాశం ఉంటుంది. పీసీ, ల్యాప్ టాప్ ల్లో చూడటానికి వీలుండదన్న మాట. రూ.499 బేసిక్ ప్లాన్ ద్వారా ఎస్ డీ కంటెంట్ ను ఒక్క డివైస్ లో మాత్రమే చూడవచ్చు. అయితే ఈ ప్లాన్ లో కంటెంట్ ను ల్యాప్ టాప్, పీసీల్లో కూడా చూసే అవకాశం ఉంటుంది. రూ.649 ప్లాన్ ద్వారా హెచ్ డీ కంటెంట్ ను వీక్షించవచ్చు. ఇందులో కేవలం 1 డివైస్ మాత్రమే కాకుండా 2 డివైస్ ల్లో ఒకేసారి చూసే అవకాశాన్ని నెట్ ఫ్లిక్స్ ఈ ప్లాన్ ద్వారా అందిస్తుంది. రూ.799 ప్లాన్ ద్వారా అల్ట్రా హెచ్ డీ కంటెంట్ ను వీక్షించవచ్చు. 4 డివైస్ ల్లో ఒకేసారి చూసే అవకాశం ఉంటుంది. అలాగే డౌన్ లోడ్స్ కూడా నాలుగు డివైస్ ల్లో చేసుకోవచ్చు. నెట్ ఫ్లిక్స్ కొత్తగా మన దేశంలో పరీక్షిస్తున్న ప్లాన్లు ఇవే.. ప్రస్తుతం నెట్ ఫ్లిక్స్ పరీక్షిస్తున్న మూడు నెలల ప్లాన్ ఇదే. రూ.849 ప్లాన్ ను మూడు నెలల పాటు కొనసాగించాలంటే దానికి రూ.2,397 ఖర్చు అవుతుంది. కానీ ఈ ప్లాన్ ద్వారా దానిపై 20 శాతం తగ్గింపు ను అందించనున్నారు. దీంతో ఈ ప్లాన్ ను కేవలం రూ.1,919కే అందించనున్నారు. అంటే రూ.849 ప్లాన్ ద్వారా పొందే లాభాలను రూ.1,919 చెల్లించడం ద్వారా మూడు నెలల పాటు పొందవచ్చన్న మాట. అలాగే నెట్ ఫ్లిక్స్ పరిశీలనలో ఈ ఆరు నెలల ప్లాన్ కూడా ఉంది. రూ.849 ప్లాన్ ను ఆరు నెలల పాటు సబ్ స్క్రైబ్ చేసుకోవాలంటే దానికి సాధారణంగా రూ.4,794 ఖర్చు అవుతుంది. అయితే ఈ ప్లాన్ పై 30 శాతం తగ్గింపులో కేవలం రూ.3,359కే అందిస్తున్నారు. అంటే నెలకు కేవలం రూ.550తోనే రూ.849 ప్లాన్ లాభాలను పొందవచ్చు. ఈ మూడు ప్లాన్లలో అత్యధిక లాభాలు ఈ ప్లాన్ ద్వారా మాత్రమే లభించనున్నాయి. నెట్ ఫ్లిక్స్ హైఎండ్ ప్లాన్ అయిన రూ.849 ప్లాన్ ను ఏడాది పాటు కొనసాగించాలంటే దానికి రూ.9,588 ఖర్చు అవుతుంది. అయితే ఈ ప్లాన్ ద్వారా దీనిపై సగం తగ్గింపు లభింనుంది. అంటే కేవలం రూ.4,799తో ఏడాది పాటు నెట్ ఫ్లిక్స్ హైఎండ్ ప్లాన్ ను ఉపయోగించుకోవచ్చన్న మాట. ప్రస్తుతం ఈ ప్లాన్లు టెస్టింగ్ దశలోనే ఉన్నాయి. అంటే కొంతమంది యూజర్లపై దీన్ని ప్రయోగాత్మకంగా పరిశీలిస్తున్నారు. కాబట్టి అతి త్వరలో అందరికీ దీన్ని అందుబాటులోకి తీసుకువచ్చే అవకాశాలున్నాయి. నెట్ ఫ్లిక్స్ ప్రత్యర్థి కంపెనీలు అయిన అమెజాన్ ప్రైమ్ వీడియో, హాట్ స్టార్, జీ5 సంస్థలు ఇప్పటికే భారత మార్కెట్లో వార్షిక ప్లాన్లతో దూసుకుపోతున్నాయి. దీంతో నెట్ ఫ్లిక్స్ కూడా మనదేశంలో జెండా పాతాలని ఫిక్స్ అయినట్లు ఉంది. భారతదేశంలో స్థానిక కంటెంట్ కోసం నెట్ ఫ్లిక్స్ 2019, 2020 సంవత్సరాల్లో రూ.3,000 కోట్లు ఖర్చు పెట్టనున్నట్లు నెట్ ఫ్లిక్స్ సీఈవో రీడ్ హాస్టింగ్స్ ప్రకటించారు. ఇప్పటికే భారతదేశంలో ఓటీటీ ప్లాట్ ఫాం విషయంలో తీవ్ర పోటీ నెలకొంది. నెట్ ఫ్లిక్స్ వార్షిక ప్లాన్లు పూర్తిస్థాయిలో అందుబాటులోకి వస్తే... పోటీ మరింత రసవత్తరంగా మారుతుంది.