బన్నీ ఫ్యాన్స్ పండగ చేసుకునే వార్త....7 నిమిషాల్లో రికార్డ్ బ్రేకింగ్ వ్యూస్

Written by : smtv Desk | Wed, Dec 11, 2019, 06:00 PM

ఈ మధ్య ఒక స్టార్ హీరో సినిమాకు సంబంధించి లిరికల్ వీడియో విడుదలైనా.. టీజర్, ట్రైలర్లు రిలీజ్ అయినా అందరి దృష్టి అవి ఎలా ఉన్నాయి అనే అంశంపై ఉండడంలేదు. ఆ వీడియోలు యూట్యూబ్‌లో ఎన్ని వ్యూస్ సాధించాయి.. ఎన్ని లైకులు వచ్చాయి అనే అంశాలపైనే ఎక్కువ దృష్టి పెడుతున్నారు. ఆ హీరో కన్నా మా హీరో వీడియోకి ఎక్కువ వ్యూస్ వచ్చాయి అని సంబరపడిపోతున్నారు. అసలు విడుదలకు ముందే రికార్డులు బ్రేక్ చేయాలని టార్గెట్‌లు పెట్టుకుంటున్నారు. ‘అల వైకుంఠపురములో’ సినిమా నుంచి విడుదలైన ‘సామజవరగమన’ పాట రికార్డు వ్యూస్ సాధించింది. ఇప్పుడు ‘అల వైకుంఠపురములో’ టీజర్ కూడా రికార్డు స్థాయిలో దూసుకుపోతోంది. ‘అల వైకుంఠపురములో’ టీజర్‌ను బుధవారం సాయంత్రం 4.05 గంటలకు యూట్యూబ్‌లో విడుదల చేశారు. ఈ టీజర్ విడుదల అయిన ఏడు నిమిషాల్లోనే 1 మిలియన్ రియల్ టైమ్ వ్యూస్ రావడం విశేషం. తెలుగు సినిమా చరిత్రలో యూట్యూబ్‌లో విడుదలైన ఒక వీడియోకు అతి తక్కువ సమయంలో 1 మిలియన్ రియల్‌టైమ్ వ్యూస్ రావడం ఇదే తొలిసారి. టీజర్‌తో చూసి అద్భుతం అంటూ సంతోషం వ్యక్తం చేస్తోన్న అల్లు అర్జున్ ఫ్యాన్స్‌కి ఈ న్యూస్ మరింత ఉత్సాహాన్ని ఇస్తోంది. ఈ సినిమా సంగీత దర్శకుడు తమన్ సైతం ట్విట్టర్ ద్వారా ఈ రికార్డును అభిమానులతో షేర్ చేసుకున్నారు. ఇక టీజర్ విషయానికి వస్తే.. అల్లు అర్జున్ రఫ్ అండ్ టఫ్ లుక్, మ్యానరిజంతో కొత్తగా కనిపించారు. ఎప్పటిలానే త్రివిక్రమ్ మార్క్ డైలాగులు ఆకట్టుకుంటున్నాయి. ‘‘నువ్వు ఇప్పుడే కారు దిగావ్, నేను ఇప్పుడే క్యారెక్టర్ ఎక్కా’’ అని చెప్పే డైలాగ్ సింప్లీ సూపర్బ్. ఈ డైలాగ్ చెప్పేటప్పుడు విలన్ పాత్ర పోషించిన సుమద్రఖనిని వెక్కిరిస్తున్నప్పుడు అల్లు అర్జున్ మ్యానరిజం భలే ఉంది.