2019లో దుమ్మరేపిన స్మార్ట్ ఫోన్లు ఇవే!

     Written by : smtv Desk | Thu, Dec 12, 2019, 04:03 PM

2019లో దుమ్మరేపిన స్మార్ట్ ఫోన్లు ఇవే!

2019 సంవత్సరం త్వరగా గడిచిపోయినా ఈ సంవత్సరంలో లాంచ్ అయిన ఫోన్ల గురించి చెప్పాలంటే ఒక రోజు సరిపోదు. ఒక ఆర్టికల్ సరిపోదు. అన్ని స్మార్ట్ ఫోన్లు విడుదలయ్యాయి మరి! కానీ ప్రజలు ఏ ఫోన్ మీద ఎక్కువ ఆసక్తి చూపించారు? అసలు ఈ సంవత్సరం ప్రజలు ఏ ఫోన్ గురించి తెలుసుకోవాలని ఎక్కువ ఆసక్తి చూపించారు? ఈ ప్రశ్నలకు గూగుల్ సమాధానం చెప్పింది. గూగుల్ సెర్చింజన్ లో ఈ సంవత్సరం మన దేశంలోని ప్రజలు సెర్చ్ చేసిన టాప్-10 ఫోన్లు ఇవే!

1. షియోమీ రెడ్ మీ నోట్ 7 ప్రో:

షియోమీ ఈ సంవత్సరం లాంచ్ చేసిన ఫోన్లన్నిటిలో బాగా సక్సెస్ అయింది ఈ స్మార్ట్ ఫోనే. మరి ఈ ఫోన్ గురించి ప్రజలు సెర్చ్ చేయకుండా ఎలా ఉంటారు చెప్పండి. అంతేకాకుండా ప్రస్తుతం దీని ధర కూడా కేవలం రూ.10,999 నుంచే ప్రారంభం అవుతుంది. ఈ స్మార్ట్ ఫోన్ లో 6.3 అంగుళాల ఫుల్ హెచ్ డీ+ డిస్ ప్లేను అందించారు. వెనకవైపు 48 మెగా పిక్సెల్, 5 మెగా పిక్సెల్ సామర్థ్యమున్న రెండు కెమెరాలను అందించారు. సెల్ఫీ ప్రియుల కోసం ముందువైపు 13 మెగా పిక్సెల్ కెమెరా ఉంది. 4000 ఎంఏహెచ్ బ్యాటరీ కూడా ఇందులో ఉంది. క్వాల్ కాం స్నాప్ డ్రాగన్ 675 ప్రాసెసర్ ద్వారా ఈ ఫోన్ పని చేయనుంది.

​2. శాంసంగ్ గెలాక్సీ ఎం20:

ఈ సంవత్సరం ఎం సిరీస్ శాంసంగ్ విడుదల చేసిన బడ్జెట్ ఫోన్లలో ఈ ఫోన్ కూడా ఒకటి. ప్రస్తుతం దీని ధర రూ.9,999గా ఉంది. ఇందులో 6.3 అంగుళాల ఫుల్ హెచ్ డీ+ ఇన్ ఫినిటీ వీ డిస్ ప్లేను అందించారు. వెనక భాగంలో 13 మెగా పిక్సెల్, 5 మెగా పిక్సెల్ సామర్థ్యమున్న రెండు కెమెరాలు ఉన్నాయి. ముందు భాగంలో 8 మెగా పిక్సెల్ సెల్ఫీ కెమెరాను అందించారు. ఇందులో బ్యాటరీ ప్రధాన ఆకర్షణ అని చెప్పవచ్చు. 5000 ఎంఏహెచ్ బ్యాటరీని ఇందులో అందించారు. అంతేకాకుండా 15W ఫాస్ట్ చార్జింగ్ ను కూడా ఇది సపోర్ట్ చేస్తుంది.

​3. వివో ఎస్1:

ఈ సంవత్సరం వివో విడుదల చేసిన మిడ్ రేంజ్ ఫోన్లలో ఈ స్మార్ట్ ఫోన్ కూడా ఒకటి. దీని ధర రూ.15,990 నుంచి ప్రారంభం కానుంది. 6.38 అంగుళాల ఫుల్ హెచ్ డీ+ డిస్ ప్లే ఇందులో ఉంది. కెమెరా విషయానికి వస్తే.. వెనకవైపు 16 మెగా పిక్సెల్, 8 మెగా పిక్సెల్, 2 మెగా పిక్సెల్ సామర్థ్యమున్న కెమెరాలను ఇందులో అందించారు. సెల్ఫీ కెమెరా సామర్థ్యం 32 మెగా పిక్సెల్ గా ఉంది. మీడియాటెక్ హీలియో పీ65 ప్రాసెసర్ ద్వారా ఈ ఫోన్ పనిచేయనుంది. 4,500 ఎంఏహెచ్ సామర్థ్యమున్న బ్యాటరీని ఇందులో అందించారు.

​4. షియోమీ రెడ్ మీ నోట్ 8 ప్రో:

ఈ సంవత్సరం అక్టోబర్ లో షియోమీ లాంచ్ చేసిన రెడ్ మీ నోట్ 8 ప్రో ఈ జాబితాలో నాలుగో స్థానంలో నిలిచింది. దీని ధర రూ.14,999 నుంచి ప్రారంభం కానుంది. ఇందులో 6.53 అంగుళాల ఫుల్ హెచ్ డీ+ డిస్ ప్లే ను అందించారు. వెనక భాగంలో 64 మెగా పిక్సెల్ కెమెరాతో కూడిన నాలుగు కెమెరాల సెటప్ ఇందులో ఉంది. సెల్ఫీ కెమెరా సామర్థ్యం 20 మెగా పిక్సెల్ గా ఉంది. మీడియాటెక్ హీలియో జీ90టీ ప్రాసెసర్ ద్వారా ఈ ఫోన్ పనిచేయనుంది. 4,500 ఎంఏహెచ్ సామర్థ్యమున్న బ్యాటరీకూడా ఇందులో ఉంది.

​5. షియోమీ రెడ్ మీ నోట్ 7:

షియోమీ విడుదల చేసిన రెడ్ మీ నోట్ 7 కూడా ఈ జాబితాలో ఉంది. దీని ధర రూ.9,999గా ఉంది. ఇందులో 6.3 అంగుళాల ఫుల్ హెచ్ డీ+ డిస్ ప్లేను అందించారు. వెనకవైపు 12 మెగా పిక్సెల్, 2 మెగా పిక్సెల్ సామర్థ్యమున్న రెండు కెమెరాలను అందించారు. సెల్ఫీ కెమెరా సామర్థ్యం 13 మెగా పిక్సెల్ గా ఉంది. క్వాల్ కాం స్నాప్ డ్రాగన్ 660 ప్రాసెసర్ పై ఈ ఫోన్ పనిచేయనుంది. బ్యాటరీ సామర్థ్యం 4,000 ఎంఏహెచ్ గా ఉంది.

​6. యాపిల్ ఐఫోన్ 11:

ఈ సంవత్సరం లాంచ్ అయిన చవకైన ఐఫోన్ ఇదే. దీని ధర రూ.64,900 నుంచి ప్రారంభం అయింది. ఇందులో యాపిల్ అత్యంత శక్తివంతమైన ఏ13 బయోనిక్ చిప్ ను ఉపయోగించింది. ఇదే బయోనిక్ చిప్ ను ఐఫోన్ 11 ప్రో, 11 ప్రో మ్యాక్స్ ల్లో ఉపయోగించారు. ఈ ఫోన్ మొత్తం ఆరు రంగుల్లో అందుబాటులో ఉండనుంది. 6.1 అంగుళాల ఎల్ సీడీ డిస్ ప్లేను ఇందులో అందించారు.

​7. వన్ ప్లస్ 7:

ఈ సంవత్సరం వన్ ప్లన్ నుంచి విడుదలైన మొదటి స్మార్ట్ ఫోన్ ఇదే. అలాగే ఈ సంవత్సరం విడుదలైన అన్ని వన్ స్మార్ట్ ఫోన్లలో చవకైనది కూడా ఇదే. ఈ స్మార్ట్ ఫోన్ లో 6.41 అంగుళాల డిస్ ప్లేను అందించారు. వెనకవైపు 48 మెగా పిక్సెల్, 5 మెగా పిక్సెల్ సామర్థ్యమున్న రెండు కెమెరాలను అందించారు. సెల్ఫీ ప్రియుల కోసం ముందువైపు 16 మెగా పిక్సెల్ కెమెరా ఉంది. 3,700 ఎంఏహెచ్ బ్యాటరీని ఇందులో అందించారు. క్వాల్ కాం స్నాప్ డ్రాగన్ 855 ప్రాసెసర్ ద్వారా ఈ ఫోన్ పని చేయనుంది.

​8. రియల్ మీ 3 ప్రో:

రియల్ మీ ఈ సంవత్సరం భారతదేశ స్మార్ట్ ఫోన్ మార్కెట్లో ఎంతో ముందుకు దూసుకువెళ్లిన సంగతి తెలిసిందే. ప్రజల ఆసక్తి రియల్ మీ వైపు మళ్లింది కాబట్టే ఈ ఫోన్ ఈ జాబితాలో చోటు చేసుకుంది. ఈ స్మార్ట్ ఫోన్ ధర ప్రస్తుతం రూ.12,999 నుంచి ప్రారంభం కానుంది. ఇందులో 6.3 అంగుళాల ఐపీఎస్ పుల్ హెచ్ డీ+ డిస్ ప్లేను అందించారు. వెనకవైపు 16 మెగా పిక్సెల్, 5 మెగా పిక్సెల్ సామర్థ్యమున్న రెండు కెమెరాలను అందించారు. సెల్ఫీ కెమెరా సామర్థ్యం 25 మెగా పిక్సెల్ గా ఉంది. క్వాల్ కాం స్నాప్ డ్రాగన్ 710 ప్రాసెసర్ పై ఈ ఫోన్ పనిచేయనుంది. బ్యాటరీ సామర్థ్యం 4,045 ఎంఏహెచ్ గా ఉంది.

​9. రియల్ మీ 5:

రియల్ మీ 5 కూడా ఈ జాబితాలో స్థానం సంపాదించింది. ఈ స్మార్ట్ ఫోన్ ప్రస్తుతం మన దేశంలో రూ.8,999 నుంచి ప్రారంభం కానుంది. ఇందులో 6.5 అంగుళాల హెచ్ డీ+ డిస్ ప్లే అందుబాటులో ఉంది. వెనక భాగంలో 12 మెగా పిక్సెల్, 8 మెగా పిక్సెల్, 2 మెగా పిక్సెల్ కెమెరాలు ఉన్నాయి. సెల్ఫీ కెమెరా సామర్థ్యం 13 మెగా పిక్సెల్ గా ఉంది. క్వాల్ కాం స్నాప్ డ్రాగన్ 665 ప్రాసెసర్ ద్వారా ఈ ఫోన్ పనిచేయనుంది. బ్యాటరీ సామర్థ్యం 5,000 ఎంఏహెచ్ గా ఉంది.

​10. వివో జెడ్1 ప్రో:

ఈ జాబితాలో ఉన్న వివో రెండో స్మార్ట్ ఫోన్ ఇది. ఈ ఫోన్ ధర మన దేశంలో రూ.12,990 నుంచి ప్రారంభం కానుంది. ఇందులో 6.53 అంగుళాల ఫుల్ హెచ్ డీ+ డిస్ ప్లేను అందించారు. వెనకవైపు 16 మెగా పిక్సెల్, 8 మెగా పిక్సెల్, 2 మెగా పిక్సెల్ సామర్థ్యమున్న మూడు కెమెరాలను అందించారు. సెల్ఫీ కెమెరా సామర్థ్యం 32 మెగా పిక్సెల్ గా ఉంది. క్వాల్ కాం స్నాప్ డ్రాగన్ 712 ప్రాసెసర్ పై ఈ ఫోన్ పనిచేయనుంది. బ్యాటరీ సామర్థ్యం 5,000 ఎంఏహెచ్ గా ఉంది.





Untitled Document
Advertisements