ఆధార్ తో రేషన్ కార్డ్ లింక్...అనేక లాభాలు!!!

Written by : smtv Desk | Fri, Jan 17, 2020, 05:16 PM

పాన్ కార్డు, బ్యాంక్ అకౌంట్ మాదిరిగానే మీ ఆధార్ నెంబర్‌ను, రేషన్ కార్డును అనుసంధానం చేసుకోవాలి. ఈ రెండు కీలకమైన డాక్యుమెంట్లను లింక్ చేసుకుంటే పలు ప్రయోజనాలు కూడా పొందొచ్చు.

అయితే రెండింటినీ ఎలా లింక్ చేసుకోవాలో చూద్దాం..

1. దగ్గరిలోని పీడీఎస్ సెంటర్ లేదా రేషన్ షాప్‌కు వెళ్లాలి.
2. రేషన్ కార్డు, ఆధార్ కార్డు (కుటుంబ సభ్యులు అందరివీ) జిరాక్స్‌లను తీసుకెళ్లాలి. కుటుంబ పెద్ద పాస్‌పోర్ట్ సైజ్ ఫోటో కూడా వెంట తీసుకెళ్లండి.
3. మీ బ్యాంక్ అకౌంట్ ఆధార్‌తో లింక్ కాకపోయి ఉంటే అప్పుడు బ్యాంక్ పాస్‌బుక్ జిరాక్స్ కూడా అందజేయాల్సి ఉంటుంది.
4. ఈ డాక్యుమెంట్లు అన్నింటినీ పీడీఎస్ షాపులో సబ్‌మిట్ చేయాలి. మీ ఆధార్ కార్డు జిరాక్స్ కూడా ఇవ్వాలి.
5. ఇప్పుడు రేషన్ షాపులోని ప్రతినిధి మీ బయోమెట్రిక్స్ కూడా తీసుకోవచ్చు. తొలిసారి ఆధార్ అథంటికేషన్‌ కోసం ఇలా చేస్తారు.
6. డాక్యుమెంట్లు సబ్‌మిట్ చేసిన తర్వాత మీ రిజిస్టర్డ్ మొబైల నెంబర్‌కు ఒక ఎస్ఎంఎస్ పంపిస్తారు. తర్వాత మరో ఎస్ఎంఎస్‌లో ఆధార్, రేషన్ కార్డు లింక్ అయినట్లు వస్తుంది.

ఆధార్- రేషన్ కార్డ్ లింక్‌తో లాభాలు ;
1. ఆధార్, రేషన్ కార్డు లింక్‌తో ఫేక్ రేషన్ కార్డులు తొలగిపోతాయి. ఒక కుటుంబానికి ఒకే రేషన్ కార్డు ఉంటుంది.
2. ఆధార్ లింక్ చేయడంతో మోసాలు అవకాశం ఉండదు. నిజమైన లబ్ధిదారులకు ప్రయోజనం కలుగుతుంది. పారదర్శకత పెరుగుతుంది.
3. ఎక్కడైనా రేషన్ తీసుకోవచ్చు. కేంద్ర ప్రభుత్వం ఒకే దేశం ఒకే రేషన్ కార్డ్ అనే పథకాన్ని లాంచ్ చేసింది. దీంతో ఈ స్కీమ్ అమలులో ఉన్న రాష్ట్రాల్లో ఎక్కడైనా రేషన్ సరుకులు తీసుకోవచ్చు.