టాప్ 5 ఇన్వెస్ట్‌మెంట్స్...మీ డబ్బు ఇక్కడ పెడితే అదిరిపోయే రాబడి!

డబ్బును ఎక్కడ ఇన్వెస్ట్ చేయాలో తెలియడం లేదా? అయితే మీకోసం పలు ఆప్షన్లు అందుబాటులో ఉన్నాయి. వీటిల్లో మూడేళ్ల కాల పరిమితితో ఆకర్షణీయ రాబడి అందించే టాప్- 5 ఆప్షన్లు ఏంటివో చూద్దాం..

Axis Long Term Equity Fund: గత మూడేళ్లలో యాక్సిస్ లాంగ్ టర్మ్ ఈక్విటీ ఫండ్ ఏడాదికి 17.7 శాతం రాబడి అందించింది. వచ్చే మూడేళ్లలో కూడా ఈ ఫండ్ అదిరిపోయే రాబడి అందించే అవకాశముంది. క్రిసిల్, వ్యాల్యూ రీసెర్చ్ సంస్థలు ఈ Mutual Fund కు 5 స్టార్ రేటింగ్ ఇచ్చాయి. ఈ ఫండ్ అసెట్ సైజ్ రూ.21,000 కోట్లు. ఈ ఫండ్ మీ డబ్బుల్ని స్టాక్ మార్కెట్‌లో ఇన్వెస్ట్ చేస్తుంది. అందువల్ల ఈక్విటీ మ్యూచువల్ ఫండ్స్‌ అనేవి మార్క్‌ట్ రిస్క్‌‌పై ఆధారపడి ఉంటాయనే విషయాన్ని గుర్తించుకోవాలి.

ONGC: ఓఎన్‌జీసీ షేరు 52 వారాల కనిష్ట స్థాయి వద్ద కదలాడుతోంది. ఈ షేరుపై ఇన్వెస్ట్ చేయొచ్చు. 2020 ఫిబ్రవరి లేదా మార్చిలో కంపెనీ డివిడెంట్ ప్రకటించొచ్చు. ఈ కంపెనీ ప్రతి ఏడాది డివిడెండ్ ఇస్తూనే వస్తోంది. రానున్న రోజుల్లో కంపెనీ గ్యాస్ మార్జిన్ బిజినెస్ పెరగొచ్చు. కంపెనీకి ఇటీవలనే 7 ఆయిల్ అండ్ గ్యాస్ బ్లాక్స్ లభించాయి. కంపెనీ లాభం పెరుగుతూ వస్తోంది. అదేసమయంలో రుణ భారం తగ్గుతోంది. ఈ షేరు వ్యాల్యూయేషన్స్ కూడా ఆకర్షణీయంగా ఉన్నాయి. అండర్ వ్యాల్యూడ్ స్టాక్‌గా దీన్ని భావించొచ్చు. వచ్చే మూడేళ్ల కాలంలో ఓఎన్‌జీసీ షేరు మంచి రాబడి అందించొచ్చు.

Mahindra Finance Fixed Deposits: మహీంద్రా ఫైనాన్స్ ఫిక్స్‌డ్ డిపాజిట్లు కూడా ఆకర్షణీయ వడ్డీని అందిస్తున్నాయి. ఏఏఏ రేటింగ్ ఉంది. మీ ఇన్వెస్ట్‌మెంట్లకు భయపడాల్సిన అవసరం లేదు. డిపాజిట్లపై 8.35 శాతం వరకు వడ్డీ వస్తుంది. అవసరం అనుకుంటే వడ్డీ మొత్తాన్ని ప్రతి నెలా తీసుకోవచ్చు.

Canara Robeco Regular Growth Plan: మల్టీ క్యాప్ ఫండ్స్‌లో ఇది అదిరిపోయే ఫండ్. దీనికి క్రిసిల్ 5 స్టార్ రేటింగ్ ఇచ్చింది. గత మూడేళ్లలో ఈ ఫండ్ వార్షిక రాబడి 15.52 శాతంగా ఉంది. రిస్క్ తీసుకోవడానికి ఇష్టపడే వారు ఈక్విటీ మ్యూచువల్ ఫండ్స్‌లో ఇన్వెస్ట్ చేయొచ్చు. లేదంటే బ్యాంక్ ఫిక్స్‌డ్ డిపాజిట్ల వైపు మొగ్గు చూపడం బెస్ట్. ఇకపోతే కెనరా రొబెకొ ఫండ్‌ ఎన్ఏవీ రూ.145 సమీపంలో ఉంది.

Bajaj Finance Fixed Deposits: బజాజ్ ఫైనాన్స్ ఫిక్స్‌డ్ డిపాజిట్ సేవలు అందిస్తున్న విషయం తెలిసిందే. ఇందులో మీరు డిపాజిట్ చేస్తే 8.10 శాతం వరకు వడ్డీ పొందొచ్చు. ఈ డిపాజిట్లకు ఏఏఏ రేటింగ్ ఉంది. అంటే డిపాజిట్లు సేఫ్ అని భావించొచ్చు. ప్రస్తుతం బ్యాంకులు ఎఫ్‌డీలపై వడ్డీ రేట్లను తగ్గిస్తూ వస్తున్నాయి. ఇలాంటి సందర్భాల్లో వీటిల్లో డబ్బు దాచుకోవడం బెటర్.