అల్లుడిని పెళ్లి చేసుకున్న అత్త...కూతురు షాక్!

     Written by : smtv Desk | Tue, Jan 21, 2020, 09:16 PM

అల్లుడిని పెళ్లి చేసుకున్న అత్త...కూతురు షాక్!

కూతురి జీవితం బాగుండాలని కోరుకోవాల్సిన ఆ తల్లి.. అల్లుడితోనే అక్రమ సంబంధం పెట్టుకుంది. అతడి వల్ల గర్భం కూడా దాల్చింది. చివరికి కూతురి కళ్లుగప్పి అతడిని పెళ్లి చేసుకుని షాకిచ్చింది. ఇంగ్లాండ్‌లోని ట్వికెన్హమ్ నగరంలో నివసిస్తున్న లౌరెన్ వాల్ (34) జీవితంలో చోటుచేసుకున్న దారుణం ఇది. భర్త పరాయి స్త్రీతో అక్రమ సంబంధం పెట్టుకున్నాడని తెలిస్తే తట్టుకోలేరు. అయితే.. లౌరెన్ కథలో విలన్ మరెవ్వరో కాదు స్వయంగా ఆమె తల్లే. అత్త-అల్లుడి మధ్య ఉన్న చనువును ఆమె ఏ రోజు అనుమానించలేదు. కానీ, అదే ఆమె కొంప ముంచింది. లౌరెన్ తాను ప్రేమించిన పౌల్‌ను పెళ్లాడాలని నిర్ణయించుకుంది. అప్పటికే లౌరెన్ అతడి వల్ల ఓ బిడ్డకు జన్మనిచ్చింది. దీంతో లౌరెన్ తన తల్లి జూలీతో పౌల్‌ను పెళ్లి చేసుకుంటానని తెలిపింది. ఎట్టకేలకు లౌరెన్ పెళ్లికి ఒప్పుకోవడంతో అన్ని ఏర్పాట్లు తానే చేయాలని జూలీ నిర్ణయించుకుంది. ఐదు నెలల తర్వాత 15వేల పౌండ్లు (రూ.13,84,220) ఖర్చుచేసి లౌరెన్, పౌల్‌కు పెళ్లి చేసింది. ఆ తర్వాత హనీమూన్ ఏర్పాట్లు కూడా ఆమె దగ్గరుండి చూసుకుంది. హనీమూన్‌కు లౌరెన్, పౌల్ మాత్రమే కాదు.. ఆమె తల్లి జూలీ కూడా వెళ్లింది. తన మనవరాలిని చూసుకోవడానికి తోడు ఉంటుందనే ఉద్దేశంతో వారిద్దరు ఆమెను వెంట తీసుకెళ్లారు. మరి అక్కడ ఏం జరిగిందో ఏమో.. మూడు వారాల హనీమూన్ ట్రిప్ ముగిసిన తర్వాత ఇంటికి తిరిగి వచ్చేశారు. అయితే, పౌల్‌ ప్రవర్తనలో ఏదో మార్పు కనిపించింది. హనీమూన్ సమయంలో లౌరెన్ తల్లి జూలీ.. అల్లుడు పౌల్ ప్రేమలో పడిపోయింది. లౌరెన్ తన బిడ్డను బయటకు తీసుకెళ్లిన సమయంలో జూలీ అల్లుడితో ‘హనీమూన్’ కానిచ్చేసింది. ఈ విషయం లౌరెన్‌కు తెలియకుండా జాగ్రత్తపడ్డారు. ఇంటికి వచ్చిన తర్వాత ఇది కొనసాగింది. పౌల్.. లౌరెన్‌తో కంటే అత్తతో ఎక్కువ సేపు గడిపేందుకే ఆసక్తి చూపేవాడు. ఈ ఘటనపై లౌరెన్ మాట్లాడుతూ.. ‘‘పౌల్ ఎక్కువసేపు తన ఫోన్‌తోనే గడిపేవాడు. ఎవరితో మాట్లాడేవాడో తెలిసేది కాదు. ఫోన్ కనిపించకుండా దాచేసేవాడు. ఓ రోజు నా చెల్లి అమ్మ ఫోన్ తీసుకుంది. అల్లుడితో అశ్లీలంగా చాటింగ్ చేస్తున్నట్లు గుర్తించి షాకైంది. ఇది తెలిసి నా గుండె పగిలినంత పనైంది’’ అని తెలిపింది. ఈ విషయం లౌరెన్ తన తల్లిని నిలదీసింది. తాను అల్లుడితో చనువుతో మాట్లాడుతున్నానని, తనతో ఎలాంటి సంబంధం లేదని బుకాయించింది. తన అల్లుడు చాలా మంచివాడని కితాబిచ్చింది. అత్తతో అక్రమ సంబంధం విషయం భార్య లౌరెన్‌కు తెలియడంతో పౌల్ ఇల్లు వదిలి బయటకు వెళ్లిపోయాడు. దీంతో లౌరెన్ తన బిడ్డతో ఒంటరైంది. ఓ రోజు లౌరెన్.. తన తల్లి పౌల్‌తో కలిసి వీధుల్లో తిరగడం చూసింది. ఆమె కడుపు ఎత్తుగా ఉండటంతో గర్భం దాల్చినట్లు తెలుసుకుంది. తన భర్తతో కలిసి పిల్లలు కనేందుకు కూడా ఆమె సిద్ధమైందని తెలిసి మరింత కుంగిపోయింది. ఆ ఇద్దరికి పెళ్లి కూడా జరిగిపోయిందని తెలుసుకుని గుండెలు పగిలేలా రోదించింది. ఆ కోపంతో ఆమె తన ఇంట్లో పెళ్లి ఫొటోలను తగలబెట్టింది. ఆమె బాధకు కన్నీళ్లు కూడా ఇంకిపోయాయి. వాళ్లు ఇలా తనని మోసం చేస్తారని ఏ రోజు భావించలేదని లౌరెన్ తెలిపింది. ‘‘ప్రపంచంలో అందరి కంటే ఎక్కువగా నా తల్లి, భర్తను నమ్మాను. కానీ, ఈ విధంగా మోసపోతానని ఏ రోజూ ఊహించలేదు. ఒక తల్లి.. తన కూతురిని ఇంతగా మోసం చేస్తుందా అనే బాధ ఇంకా అలాగే ఉంది. పౌల్ అంటే సిగ్గులేదు. కానీ, ఆమె నా తల్లి. కూతురికి అన్యాయం చేయాలని ఆమెకు ఎలా అనిపించింది?’’ అని ప్రశ్నించింది. ప్రస్తుతం లౌరెన్ తన చిన్నారే ప్రపంచంగా బతుకుతోంది.





Untitled Document
Advertisements