కోహ్లీ ఫిట్‌నెస్‌ అదుర్స్...వీడియో

Written by : smtv Desk | Tue, Jan 28, 2020, 01:01 PM

భారత కెప్టెన్ విరాట్ కోహ్లీ బ్యాటింగ్, ఫీల్డింగ్ పరంగానే కాకుండా.. తన అమోఘమైన ఫిట్‌నెస్‌తోనూ జట్టులో స్ఫూర్తి నింపుతున్నాడు. కోహ్లీ కెప్టెన్సీ పగ్గాలు అందుకున్న తర్వాత టీమిండియాలో ఫిట్‌నెస్‌పై అవగాహన పతాక స్థాయికి చేరింది. ఇంకా చెప్పాలంటే..? ప్రస్తుతం భారత క్రికెటర్లకి ఉన్న ఫిట్‌నెస్ స్థాయి.. క్రికెట్ ప్రపంచంలో మరే జట్టుకీ లేదంటే అతిశయోక్తి కాదేమో..! ఇప్పటికే విరాట్ కోహ్లీ, కేఎల్ రాహుల్, రవీంద్ర జడేజా, హార్దిక్ పాండ్య, ధోని, జస్‌ప్రీత్ బుమ్రా, ఉమేశ్ యాదవ్ తదితరులు సిక్స్ ప్యాక్ సాధించగా.. రిషబ్ పంత్, శిఖర్ ధావన్, మనీశ్ పాండే, శ్రేయాస్ అయ్యర్, శివమ్ దూబే అదే బాటలో ఉన్నారు. దానికి కారణం కెప్టెన్ విరాట్ కోహ్లీ నింపిన ఫిట్‌నెస్ స్ఫూర్తే. తాజాగా తన ఫిట్‌నెస్ లెవల్స్‌ని కోహ్లీ మరో స్థాయికి తీసుకెళ్లాడు. ఈ మేరకు ఓ వీడియోని కూడా అభిమానులతో కోహ్లీ పంచుకున్నాడు. భారత్ జట్టు ప్రస్తుతం న్యూజిలాండ్ పర్యటనలో ఉండగా.. ఇటీవల ఆ జట్టుతో జరిగిన రెండు టీ20ల్లోనూ కోహ్లీసేన ఘన విజయం సాధించిన విషయం తెలిసిందే. ఇక మూడో టీ20 మ్యాచ్‌ హామిల్టన్ వేదికగా బుధవారం మధ్యాహ్నం 12.30 గంటల నుంచి జరగనుంది. ఈ నేపథ్యంలో ఇప్పటికే హామిల్టన్‌కి చేరుకున్న టీమిండియా.. అక్కడ కసరత్తులు చేస్తోంది. కివీస్ గడ్డపై ఇప్పటి వరకూ ఒక్కసారి కూడా టీ20 సిరీస్ గెలవని భారత్ జట్టు.. హామిల్టన్ టీ20లో గెలిస్తే.. ఐదు టీ20ల సిరీస్‌ని కైవసం చేసుకోనుంది.

View this post on Instagram

Putting in the work shouldn#39;t be a choice, it should be a requirement to get better. #keeppushingyourself

A post shared by Virat Kohli (@virat.kohli) on Jan 27, 2020 at 3:35pm PST