నితిన్‌కి కాబోయే భార్య ఈమేనట !

Written by : smtv Desk | Fri, Feb 14, 2020, 11:04 AM

లవర్ బాయ్ నితిన్ త్వరలో పెళ్లి పీటలెక్కబోతున్న సంగతి తెలిసిందే. షాలిని అనే అమ్మాయిని నితిన్ ప్రేమించి పెళ్లి చేసుకోబోతున్నారు. ఏప్రిల్‌లో వీరి పెళ్లి జరగబోతోంది. అయితే ఇప్పటివరకు నితిన్‌కు కాబోయే భార్యకు సంబంధించిన ఒక్క ఫొటో కూడా బయటికి రాలేదు. ఈ ఫొటోలో కనిపిస్తున్న అందమైన అమ్మాయేనట నితిన్‌ను పెళ్లి చేసుకోబోయేది. ఈమె ఫొటో సోషల్ మీడియాలో వైరల్ అవుతోంది. ఏప్రిల్ 15న హైదరాబాద్‌లో వీరిద్దరి నిశ్చితార్థం జరగనున్నట్లు తెలుస్తోంది. ఆ తర్వాత ఏప్రిల్ 16న దుబాయ్‌లోని పలాజో వర్సాచీ హోటల్‌లో వివాహ వేడుక నిర్వహించబోతున్నట్లు తెలుస్తోంది. అయితే నితిన్ షాలినిని 2012లోనే కలిసారట. అయితే అప్పటికి ఇద్దరి మధ్య స్నేహం మాత్రమే ఉంది. రెండేళ్ల క్రితమే ఇద్దరి స్నేహం ప్రేమగా మారిందట. ఒకరిని ఒకరు బాగా అర్థం చేసుకుంటుండడంతో జీవితాన్ని పంచుకోవాలని నిర్ణయించుకున్నారట. ఎంతైనా నితిన్ సినిమా హీరో. తన ఆలోచనలు కూడా సినిమాటిక్‌గా ఉంటాయి. అందుకే షాలినికి అందరిలాగా పువ్వులు ఇచ్చి పెళ్లి చేసుకుంటావా అని రొటీన్‌గా అడగలేదట. కాస్త వైరెటీగా ప్రపోజ్ చేయాలని నితిన్ అనుకున్నారట. అందుకే ఒంటికాలిపై నిలబడి ప్రపోజ్ చేసాడట. దాంతో నితిన్ చేష్టలు చూసి నవ్వుకున్న షాలిని వెంటనే అతని ప్రేమను ఒప్పుకున్నారట. మరో విషయం ఏంటంటే.. ఇప్పటివరకు నితిన్ నటించిన అన్ని సినిమాలు షాలిని చూసేసిందట. సినిమా చూసాక తన అభిప్రాయాలను నిజాయతీగా చెబుతుందట. నితిన్ బాధపడతాడు అనుకోకుండా తనకు అనిపించింది ఉన్నది ఉన్నట్లు చెబుతుందట. అయితే నితిన్ నటించిన ‘లై’ సినిమా మాత్రం షాలిని అర్థంకాలేదట. ఈ విషయాన్ని నితిన్‌కి చెబితే అతను నవ్వి ఊరుకున్నాడట. శనివారం హైదరాబాద్‌లో ఉన్న నితిన్ నివాసంలో ఘనంగా ప్రీ వెడ్డింగ్ ఫంక్షన్ నిర్వహించబోతున్నారు. ఫ్యామిలీ, ఫ్రెండ్స్ మాత్రమే ఈ వేడుకకు ఆహ్వానించారట. దుబాయ్‌లో పెళ్లి కాబట్టి సినీ ప్రముఖులు అందరూ వెళ్లలేరు. దాంతో హైదరాబాద్‌లో అందరికీ కలిపి గ్రాండ్‌గా రిసెప్షన్ ఏర్పాటుచేయనున్నట్లు తెలుస్తోంది.