మీ వాట్సాప్ నెంబర్ గూగుల్ లో ప్రత్యక్షం కాకుండా ఉండాలంటే!

Written by : smtv Desk | Thu, Feb 27, 2020, 07:04 PM

వివిధ వాట్సాప్ గ్రూపులకు చెందిన ఇన్విటేషన్ లింకులు ఇప్పటికే ఇంటర్నెట్లో చక్కర్లు కొడుతున్నాయి. ఈ లింకులను ఉపయోగించి ఎటువంటి అనుమతీ లేకుండానే ఎవరైనా ఏ గ్రూపులో అయినా చేరవచ్చు. దీంతో ప్రస్తుతం వాట్సాప్ లో అందరి ప్రైవసీ ప్రమాదంలో పడింది. అయితే వాట్సాప్ కూడా వెంటనే స్పందించి ఈ సమస్యను పరిష్కరించేందుకు సిద్ధమైంది. అయితే ఇప్పటికీ మీ వాట్సాప్ ప్రైవసీ ప్రమాదంలో ఉన్నట్లే. అయితే మీ వాట్సాప్ గ్రూప్ లింక్స్ ను రీసెట్ చేయడం ద్వారా ఈ ప్రమాదం నుంచి బయటపడవచ్చు. ఇలా చేయడం ద్వారా మీ వాట్సాప్ గ్రూపుల్లో పాత లింకుల ద్వారా ఎవరూ లాగిన్ అవ్వలేరు. అయితే మీరు గుర్తు పెట్టుకోవాల్సిన విషయం ఏంటంటే.. గ్రూప్ లింకుల కారణంగానే ప్రమాదం జరుగుతుంది కాబట్టి మీరు లింకుల ద్వారా కాకుండా ఎవరినైనా యాడ్ చేయాలనుకుంటే నేరుగా వారి నంబర్ తీసుకుని యాడ్ చేయడం మంచిది.

అయితే ఒకవేళ మీరు గతంలోనే గ్రూప్ లింక్ ను క్రియేట్ చేసి ఉంటే కింది ప్రక్రియను పాటించడం ద్వారా ఆ లింక్ ను రీసెట్ చేయవచ్చు

✪ మొదటగా వాట్సాప్ గ్రూప్ లోకి వెళ్లండి.
✪ గ్రూప్ పేరు మీద క్లిక్ చేస్తే అక్కడ ఆ గ్రూపులో ఏయే సభ్యులున్నారో కనిపిస్తుంది.
✪ దానికి పైన మీకు Invita via link అనే ఆప్షన్ కూడా అందుబాటులో ఉంటుంది.
✪ మీరు దాని మీద క్లిక్ చేసి దాన్ని రీసెట్ చేయాలి.
✪ అంతే.. మీ గ్రూపుకు సంబంధించిన పాత లింక్ ఇక పని చేయదు. ఈ లింక్ మాత్రమే అందుబాటులో ఉంటుంది. ఈ లింక్ ని ఎక్కడా షేర్ చేయకుండా ఉంటే చాలు.

అయితే గ్రూప్ లింక్ ను మార్చాలంటే మీరు గ్రూప్ అడ్మిన్ అయి ఉండాలనే విషయం మాత్రం మర్చిపోకండి. అసలు ఈ లింకుల గొడవే వద్దు అనుకుంటే నేరుగా కూడా మీరు గ్రూప్స్ లో యాడ్ చేసే అవకాశం ఉంటుంది. పైన తెలిపినట్లు గ్రూప్ ఇన్పోలోకి వెళ్లాక కుడివైపు పైభాగంలో మీకు ‘+’ గుర్తు కనిపిస్తుంది. దాన్ని ఎంచుకుని మీరు గ్రూప్ లో కాంటాక్ట్ ను యాడ్ చేయవచ్చు. ఒకసారి గ్రూప్ లింక్ ను రీసెట్ చేస్తే ఏ ప్రమాదం ఉండదని మాత్రం అనుకోకండి. మీరు ఈ లింక్ ని ఎవ్వరికీ షేర్ చేయకూడదు. అప్పుడు మాత్రమే మీ నంబర్ ప్రైవసీ సేఫ్ గా ఉన్నట్లు అన్నమాట!