"అలా జ‌రిగితే టీ20ల‌కు ముప్పే"

     Written by : smtv Desk | Fri, Feb 28, 2020, 04:38 PM


క్రికెట్‌కు పునాదిలాంటి టెస్టు క్రికెట్‌ను బ‌తికించుకోవాల్సిన అవ‌స‌ర‌ముంద‌ని న్యూజిలాండ్ గ్రేట్ క్రికెట‌ర్ స‌ర్ రిచ‌ర్డ్ హ్యాడ్లీ అన్నాడు. టెస్టు క్రికెట్ మనుగ‌డ సాధిస్తేనే, టీ20ల‌కు ఆదరణ ఉంటుందని పేర్కొన్నాడు. ప్ర‌స్తుతం ప్ర‌పంచ‌వ్యాప్తంగా టీ20 క్రికెట్ ఫాలోయింగ్ భ‌యంక‌రంగా పెరిగిపోయింద‌ని, అదే క్ర‌మంలో టెస్టుల‌కు ఎలాంటి మార్పులు చేయ‌కూడ‌ద‌ని హిత‌వు ప‌లికాడు. ఇక మూడు ఫార్మాట్లు (టెస్టులు, వ‌న్డేలు, టీ20లు) దేనిక‌వే భిన్న‌మైన‌వ‌ని, అవ‌న్నీ ప‌ర‌స్ప‌రం కొన‌సాగించాల్సిన అవ‌స‌ర‌ముంద‌ని తెలిపాడు. ఇక టీ20ల వ‌ల్ల కొన్ని లాభాలున్నాయ‌ని హ్యాడ్లీ చెప్పుకొచ్చాడు. ఆట‌గాళ్లలో నైపుణ్యం పెరిగింద‌ని వ్యాఖ్యానించాడు. మెరుగైన ఆట‌గాళ్లు కాన‌ప్ప‌టికీ, ప‌రిస్థితుల‌కు అనుగుణంగా కొత్త షాట్ల‌ను ట్రై చేస్తున్నార‌ని కితాబిచ్చాడు. మ‌రోవైపు బౌల‌ర్లు కూడా వేరియేష‌న్ల‌ను పెంచుకుంటున్నార‌ని, త‌మ కాలంలో కేవ‌లం రెండు వేరియేష‌న్లు (ఇన్‌స్వింగ‌ర్‌, ఔట్ స్వింగర్‌) మాత్రమే ఉండేవని గుర్తు చేసుకున్నాడు. ఇప్ప‌టి బౌల‌ర్ల‌లో ఐదు, ఆరు ర‌కాల వేరియేష‌న్లు ఉన్నాయ‌ని హ్యాడ్లీ తెలిపాడు. మ‌రోవైపు విపరీతమైన టీ20ల‌తో ఆట‌గాళ్లు గాయ‌ప‌డే అవ‌కాశాలున్నాయ‌ని ఆందోళ‌న వ్య‌క్తం చేశాడు. చాలామంది పేస‌ర్లు 34 ఏళ్ల‌కు చేరుకోగానే.. లాంగ్ ఫార్మాట్‌కు వీడ్కోలు ప‌లికి, ప్ర‌పంచ‌వ్యాప్తంగా టీ20 లీగ్‌లు ఆడుతున్నార‌ని తెలిపాడు. డ‌బ్బుల కోసం ఇలా చేయ‌డం స‌రికాద‌ని హ్యాడ్లీ హిత‌వు ప‌లికాడు.





Untitled Document
Advertisements