జియో వినియోగదారులు తప్పక తెలుసుకోవాల్సిన విషయాలు

ఇప్పుడు మనదేశంలో ఉన్న నంబర్ వన్ మొబైల్ నెట్ వర్క్ జియోనే. జియో, జియో ఫోన్ వినియోగదారులు తమ బ్యాలెన్స్ తెలుసుకోవడానికి మై జియో యాప్, ఐవీఆర్ సర్వీస్, అధికారిక జియో వెబ్ సైట్ వంటి అనేక మార్గాలు ఉన్నాయి. మీ కనెక్షన్ డేటా బ్యాలెన్స్, వ్యాలిడిటీ, యాడ్-ఆన్ సర్వీసుల గురించి తెలుసుకోవడానికి మీరు మీ స్మార్ట్‌ఫోన్‌లో మైజియో యాప్, ఇంటరాక్టివ్ వాయిస్ రెస్పాన్స్(ఐవీఆర్) సేవలను కూడా ఉపయోగించుకోవచ్చు. మీ స్మార్ట్‌ఫోన్‌లో మైజియో అప్లికేషన్ ఇన్‌స్టాల్ చేయడం ద్వారా, మీరు మీ జియో బ్యాలెన్స్‌ను తెలుసుకోవచ్చు. ఈ అప్లికేషన్ ఆండ్రాయిడ్, ఐఫోన్ ల్లో అందుబాటులో ఉంటుంది. ఆండ్రాయిడ్ 5.0, ఐఓఎస్ 10.0 లేదా ఆపైన వెర్షన్లలో పనిచేసే స్మార్ట్ ఫోన్లలో ఈ యాప్ పనిచేస్తుంది.

1) ముందుగా మీ స్మార్ట్ ఫోన్ లో మైజియో అప్లికేషన్ ఓపెన్ చేసి, సిమ్‌ ద్వారా లేదా OTP ద్వారా లాగిన్ అవ్వండి.

2) మీరు లాగిన్ అయిన తర్వాత, హోమ్ స్క్రీన్‌లో మీ జియో బ్యాలెన్స్, వాలిడిటీ కనిపిస్తాయి. అందుబాటులో ఉన్న ఉచిత మెసేజులు, డేటా, వాయిస్ కాల్స్ వివరాలను తెలుసుకునేందుకు వాలిడిటీ కింద ఉన్న డిటైల్స్ బటన్‌ నొక్కండి. లేకపోతే.. స్క్రీన్ పైన ఎడమవైపున ఉన్న హాంబర్గర్ మెనూ సింబల్ ను క్లిక్ చేయండి. ఆ తర్వాత మై-ప్లాన్స్ ఆప్షన్ నొక్కండి. ఇది అందుబాటులో ఉన్న మెసేజులు, డేటా, వాయిస్ కాల్స్ తో సహా మీ వ్యాలిడిటీ వివరాలను చూపిస్తుంది.

3) మీరు మీ రోజువారీ డేటా కోటాలో మిగిలిన బ్యాలెన్స్‌ వివరాలను కూడా తెలుసుకోవచ్చు. అంతేకాకుండా, డేటా, వాయిస్ కాల్, మెసేజులతోపాటు, వైఫై పాక్స్ వినియోగాన్ని కూడా, హోంస్క్రీన్ మీద ఉన్న చెక్-యూసేజ్ ఆప్షన్ ద్వారా చూడొచ్చు.

​*ఐవీఆర్ సర్వీస్ ద్వారా బ్యాలెన్స్ తెలుసుకోవడం ఎలా అంటే?

జియో తన వినియోగదారులకోసం ప్రత్యేకంగా ఐవీఆర్ సేవలను కూడా అందిస్తుంది. మీ డేటా, టాక్ టైమ్, వ్యాలిడిటీ సంబంధిత వివరాలను తెలుసుకోడానికి మీ జియో నంబర్ నుండి 1991కు డయల్ చేయాల్సి ఉంటుంది. మీ కనెక్షన్ కు సంబంధించిన సరికొత్త డేటా ఆఫర్స్, వోచర్‌ల గురించిన వివరాలను కూడా మీరు ఆడియో ద్వారా వినవచ్చు.

*జియో వెబ్ సైట్ లో కూడా తెలుసుకోవచ్చు?

జియో తన వెబ్‌సైట్ jio.com నుంచి, వినియోగదారులు తమ బ్యాలెన్స్ వివరాలను నేరుగా తెలుసుకునే వెసులుబాటుని అందిస్తుంది. Jio.com నుండి మీ జియో బ్యాలెన్స్, వాలిడిటీ చెక్ చేయడానికి కింద తెలిపిన ప్రక్రియను ఫాలో అవ్వండి.

1) మీ వెబ్ బ్రౌజర్లో Jio.com వెబ్ సైట్ ఓపెన్ చేసి, సైన్ ఇన్ పై క్లిక్ చేయండి.
2) మీ జియో మొబైల్ కనెక్షన్, జియోఫై హాట్‌స్పాట్, జియో ఫైబర్ బ్రాడ్‌బ్యాండ్ కనెక్షన్ లేదా జియో లింక్ సెట్-టాప్ బాక్స్ సంబంధిత వివరాలన్నింటినీ ఈ వెబ్ సైట్లో చూడొచ్చు.
3) ఇక్కడ మీరు మొబైల్ ఆప్షన్ మీద క్లిక్ చేసి, మీ జియో నంబర్‌ను ఎంటర్ చేసి, ఓటీపీని జనరేట్ చేయండి.
4) ఇప్పుడు మీ ఫోన్‌లో వచ్చిన ఓటీపీ ఎంటర్ చేసి, క్లిక్ చేయండి.
5) ఈ ఓటీపీ ప్రక్రియ పూర్తయిన తర్వాత, జియో వెబ్ సైట్, మీ కనెక్షన్ సంబంధించిన అన్ని వివరాలతో కూడిన స్క్రీన్‌ను మీకు చూపుతుంది.

​*పోస్ట్ పెయిడ్ అయితే ఇలా!

మీరు మైజియో అప్లికేషన్ నుండి, మీ పోస్ట్‌పెయిడ్ బిల్లింగ్ వివరాలను కూడా తెలుసుకోవచ్చు. అంతేకాకుండా, మీరు BILL అని టైప్ చేసి 199కు SMS పంపడం ద్వారా కూడా, మీ బిల్లు సంబంధించిన వివరాలను మెసేజ్ ద్వారా పొందొచ్చు.

*​మరి జియో ఫోన్ లో?

జియోఫోన్ వినియోగదారులు BAL అని టైప్ చేసి 199కి మెసేజ్ చేయడం ద్వారా మీ బ్యాలెన్స్, వ్యాలిడిటీ వివరాలను తెలుసుకునే అవకాశం ఉంది. డేటా, టాక్‌టైమ్ బ్యాలెన్స్‌, వ్యాలిడిటీ తెలుసుకోడానికి మీ జియోఫోన్‌లోని మైజియో అప్లికేషన్ ను కూడా ఉపయోగించవచ్చు. మీరు మీ జియోఫోన్‌ మెనూ, లేదా జియో కీని కొద్దిసేపు నొక్కి ఉంచడం ద్వారా మైజియో యాప్ ఓపెన్ చేసి,హోమ్‌ స్క్రీన్‌లో, మీ కనెక్షన్ డేటా బ్యాలెన్స్, వాలిడిటీ వంటి వివరాలను తెలుసుకోవచ్చు.