ఎంఐ 4ఎస్ 65 అంగుళాల టీవీ...ధర ఎంతంటే!

     Written by : smtv Desk | Sat, Mar 28, 2020, 07:00 PM

ఎంఐ 4ఎస్ 65 అంగుళాల టీవీ...ధర ఎంతంటే!

షియోమీ తన ఆన్ లైన్ ఈవెంట్లో మరో టీవీని కూడా లాంచ్ చేసింది. అదే ఎంఐ టీవీ 4ఎస్. హెచ్ డీఆర్ 10+ సపోర్ట్, 4కే సపోర్ట్ తో ఈ టీవీ మార్కెట్లో లాంచ్ అయింది. దీంతో పాటు డీటీఎస్-హెచ్ డీ, డాల్బీ ఆడియో సౌండ్ ఎక్స్ పీరియన్స్ ఫీచర్లు కూడా ఇందులో ఉన్నాయి. ఎంఐ టీవీ 4ఎస్ 65 ధరను 549 యూరోలుగా(సుమారు రూ.45,000) నిర్ణయించారు. ఈ టీవీకి సంబంధించిన సేల్ ఎంఐ స్టోర్లలో జూన్ నుంచి ప్రారంభం కానుంది. ప్రస్తుతం మార్కెట్లో ఉన్న ఇతర 65 అంగుళాల టీవీలతో పోలిస్తే దీని ధర చాలా తక్కువే. దీనికి సంబంధించిన మరిన్ని వివరాలు త్వరలో ప్రకటిస్తారు. ఈ టీవీలను మనదేశంలో ఎప్పుడు లాంచ్ చేస్తారు, వీటి ధర(ఇండియాలో) ఎంతగా ఉండనుంది అనే విషయాలను త్వరలో వెల్లడించనున్నారు. ఈ టీవీలో 65 అంగుళాల ఐపీఎస్ డిస్ ప్లే ప్యానెల్ ను అందించారు. హెచ్ డీఆర్ 10+, 4కే రిజల్యూషన్ వంటి ఫీచర్లను ఇందులో అందించారు. ఆండ్రాయిడ్ 9.0 టీవీ ఆపరేటింగ్ సిస్టంపై ఈ టీవీ పనిచేయనుంది. 85 శాతం ఎన్టీఎస్సీ కలర్ గాముట్, ఎంఈఎంసీ సపోర్ట్ ఫీచర్లు కూడా ఈ డిస్ ప్లేకు ఉన్నాయి. అంతేకాకుండా ఇందులో 2 జీబీ ర్యామ్, 16 జీబీ స్టోరేజ్ కూడా ఉన్నాయి. ఇందులో ఉన్న స్మార్ట్ హోం హబ్ ద్వారా ఓటీటీ యాప్స్ కు యాక్సెస్ కూడా లభిస్తుంది. అమెజాన్ ప్రైమ్ వీడియో, నెట్ ఫ్లిక్స్, యూట్యూబ్ సపోర్ట్ కూడా ఇందులో ఉన్నాయి. ఇందులో గూగుల్ ప్లే స్టోర్ యాక్సెస్ ఉండటంతో వినియోగదారులు ఎన్నో యాప్స్ ను డౌన్ లోడ్ చేసుకోవచ్చు. ఇక కనెక్టివిటీ విషయానికి వస్తే.. ఇందులో మూడు హెచ్ డీఎంఐ పోర్టులు, మూడు యూఎస్ బీ పోర్టులు, డ్యూయల్ బ్యాండ్ వైఫై, బ్లూటూత్ సపోర్ట్ ఉన్నాయి. ఈ టీవీ క్రోమ్ కాస్ట్ కు సపోర్ట్ చేయడంతో పాటు, వాయిస్ రిమోట్ కంట్రోల్ ఫీచర్ ను కూడా ఇందులో అందించారు. దీంతోపాటు ఇందులో అల్యూమినియం ఫ్రేమ్ తో కూడిన కార్బన్ ఫైబర్ బ్యాక్ ప్యానెల్ ఉంది. ఇందులో రెండు 10W స్పీకర్లు కూడా ఉన్నాయి.

2018లో షియోమీ ఎంఐ టీవీ 4ఎస్ లో 43, 55, 75 అంగుళాల వేరియంట్లను లాంచ్ చేసింది. ఈ మూడిట్లోనూ 8 జీబీ స్టోరేజ్ అందుబాటులో ఉంది.





Untitled Document
Advertisements