టీమిండియాలో బెస్ట్ సింగ‌ర్....?

     Written by : smtv Desk | Mon, Mar 30, 2020, 04:41 PM

టీమిండియాలో బెస్ట్ సింగ‌ర్....?

క‌రోనా వైర‌స్ కార‌ణంగా దేశవ్యాప్తంగా లాక్‌డౌన్ ప్ర‌క‌టించ‌డంతో ప్ర‌స్తుతం అంద‌రూ ఇళ్ల‌కే ప‌రిమిత‌మ‌య్యారు. క్రికెట్ స‌హా క్రీడా కార్య‌క‌లాపాలు వాయిదా ప‌డటంతో ప్లేయ‌ర్లంద‌రూ ఇళ్ల‌కే ప‌రిమిత‌మ‌య్యారు. ఈ నేప‌థ్యంలో సోష‌ల్ మీడియాలో యాక్టివ్‌గా ఉంటున్న క్రికెట‌ర్ల‌.. వైర‌స్‌పై అవ‌గాహ‌న క‌ల్పించేందుకు ప్ర‌య‌త్నిస్తున్నారు. మ‌రోవైపు చ‌మ‌త్కారానికి పెట్టింది పేర‌యిన భార‌త‌ స్పిన్న‌ర్ య‌జ్వంద్ర చాహ‌ల్ తాజాగా టీమిండియాలో ఉత్తమ గాయ‌కుడు ఎవ‌రో అన్న దానిపై స్పందించాడు. ప్ర‌ముఖ సింగ‌ర్ రాహుల్ వైద్య‌తో సోష‌ల్ మీడియా ప్లాట్‌ఫామ్ ఇన్‌స్టాగ్రామ్‌లో తాజాగా చాహ‌ల్ ముచ్చ‌టించాడు. ఈ సంద‌ర్భంగా భార‌త జ‌ట్టులో సింగర్ల గురించి చ‌ర్చించాడు. వెట‌ర‌న్ బ్యాట్స్‌మ‌న్ సురేశ్ రైనా బాగా పాడుతాడ‌ని కితాబిచ్చాడు. పేస‌ర్ మోహిత్ శ‌ర్మ కూడా చ‌క్క‌గా సింగ్ చేస్తాడ‌ని పేర్కొన్నాడు. స్టార్ ఆల్‌రౌండ‌ర్ హార్దిక్ పాండ్యా ఫ‌ర్వాలేద‌నే విధంగా పాడుతాడ‌ని పేర్కొన్నాడు. ఇక లాక్‌డౌన్ కాలంలో చాహ‌ల్ సోష‌ల్ మీడియాలో హంగామా చేస్తున్నాడు. ట్విట్ట‌ర్‌, ఇన్‌స్టాగ్రామ్‌లో అందుబాటులో ఉండి, ప‌లు విష‌యాల‌పై స్పందిస్తున్నాడు. తాజాగా భార‌త కెప్టెన్ విరాట్ కోహ్లీ, అనుష్క శ‌ర్మ‌ల‌ను ట్రోల్ చేసిన సంగ‌తి తెలిసిందే. మ‌రోవైపు తాజాగా టిక్‌టాక్‌లో వివిధ ర‌కాలుగా వీడియోల‌ను పోస్టు చేస్తూ అంద‌రినీ అల‌రిస్తున్నాడు.





Untitled Document
Advertisements